LUKE 7:47 - PATHIEN LEKHABU THIENGTHO (BSI)

⁴⁷ Zieziekchun, lungsietna nasatak a suklat hin, a gitlohna tamtak chuh ngaihdam ahi tai tih a sulang hi, tih ka hun hilh na hi, Kuole, tawmcha ngaihdama um ta chun, lungsietna tawmcha a sulang sek hi,” a ti a.

LUKE 7:47 ပူးပေါင်းရင်းမြစ်များ

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

EZEKIEL 16:63

Khutichun, na thil hihsa chengcheng ngaihdamna ka hun siem sak tieng leh na hetzing a, na zahchâk zieka na kam na kât tâk lohna dingin,” Lalpa Pathien chun a tii.

MIKA 7:19

Amah chun I chung u ah zahngaihna nei kit in tin; I sukkhelh na teu chuh tawhden in tin, I gitlohna teu chuh tuipi lituong ah paih lut ding ahi ngâla.

MATTHAI 10:37

“Kuole a nu ahim, a pa ahim kei sanga hehpih zaw chuh ka mi hi hâwi ahi puoi; kuole a chanu ahim, a chapa ahim kei ei hehpih sanga hehpih chule ka mi hi hâwi ahi diek puoi.

LUKE 7:39

Chun, a chiel pa Pharisai chun zie chuh a muh phetin a lungthim in, “Zie pa hi thiemgau a hih chun, a khawih nu hi kuo ahi a, bang tawbang mi ahih a het kilawm ahi a, migilo ahi ngâla” a ti a.

LUKE 7:46

Nangin ka luchang nuh ding thau nei pie puoh a, amahnu hin chuh ka kêngpêk thau gimlim a nuh hi.

LUKE 7:48

Chun, Isu’n numei kawma chun, “Na gitlohna chengcheng ngaihdam ahi tai,” a ti a.

NASEPTE 5:31

Amah mawng khah, Pathien in Lal leh Hukdampa hi dingin a changlam ah a limbawl ta a; Israel te gitloh lunghei sak ding leh ngaidam dingin,

ROME 5:20

Chun, sukkhelh kilat zawk theihna’n, Dan a hung um a. Himahlele, gitloh punna chengah lungsietna chule a pung zaw diek sek hi.

2 KORINTH 5:14

Krista hehpihna chun ka chamlo a ei sawl ahi; hiti hin ka heu hi: Mi chengcheng thih sik in mi khat a thi a, ziezieka chuh mi chengcheng thi ahiu hi.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

EPHESI 6:24

I Lalpau leh Isu Krista tuoi lo a hehpihte cheng kawma chun lungsietna um hen.

PHILIPPI 1:9

Na lungsietnau chuh hetna diktak leh chitna bukim tawh a hung khan zel theihna dingin ka paucham sek a:

1 TIMOTHE 1:14

Tichun, I Lalpau chun, a zahngaihna nasatak chuh ka chunga hun sungtha’n, Krista Isu tawh kipumkhatna zieka I neih uh, taksanna leh lungsietna chuh ei pie ta a.

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

1 JOHAN 3:18

Naute, thu mai in kihehpih puoi tiu khai, lei mai inle kihehpih diek puoi tiu; thilhih leh tihtakzet in hi zaw hen.

1 JOHAN 4:19

Pathien in eihaw ei hehpih masak ziekin, amah I hehpih uh ahi.

1 JOHAN 5:3

Pathien I hehpihnau chuh ziehi ahi, a thupiek haw I zawp uh hih; a thupiek haw chuh a giksak puoh ngâl a.