LUKE 7:39 - PATHIEN LEKHABU THIENGTHO (BSI)

³⁹ Chun, a chiel pa Pharisai chun zie chuh a muh phetin a lungthim in, “Zie pa hi thiemgau a hih chun, a khawih nu hi kuo ahi a, bang tawbang mi ahih a het kilawm ahi a, migilo ahi ngâla” a ti a.

LUKE 7:39 ပူးပေါင်းရင်းမြစ်များ

LUKE 7:16

A bawn u chun lauhna a dim in, Pathien a pakcha tau a, “I lak u ah thiemgau lopitak hung um ahi ta hi,” a tiu a. “Pathien in a mite a hun tawh ahi ta hi!” a tiu a.

LUKE 15:2

Tichun, Pharisaite leh Danthuzikte chun, “Zie pa hin mi gilote a lawp a, a kawm u ah an le a ne sek hi!” ti’n a phunchiek tau a.

MARK 7:21

Sunglam a mihiem lunggil apat in ngaihtuohna gilote a hung pawt sek hi, zawlsaihna te, thanhuoina, tuolthahna te;

ISAI 65:5

Tichun, mi dangte kawmah, “Kiveng in la, ei hung naih kih, nang haw sang chun ka thiengtho ngâl u a,” a ti sek ui. Zie tawbang mite chuh ka nak a meikhu leh ni tum a meikuong tawbang ahiu hi.

JOHAN 9:24

Khutichun, mitdûkpa chuh a vel sap kit u a, a kawmah, “Pathien pakchah! keihaw’n vang zie pa kha migilo a hi tih ka heu hi!” a tiu a.

JOHAN 7:12

Amah chungchâng thu achun, mipite chuh a kiho gu sausau u a, a bangin, “Mi pha ahi,” a tiu a, abang in, “Naisai lo e! mi a pui mang zaw sek ahi,” a tiu a.

JOHAN 4:19

Numei chun a kawmah, “Hepu, thiemgau na hi tih ka he tai.”

LUKE 18:4

Himahleh, hun bang ahim chan chuh Thutanpa chun a na hihsak zieng puoh a, himahleh hun chawmkhat hal chun a lungthim in, ‘Pathien kihcha lo in, mihing zahchâk diek kimahleng,

LUKE 16:3

Chun, a suokpa chun a lungthim in, ‘Ka pu’n sum vawp kham ei haihsak ding hi bang ka lawh ta die aw? Lei laih chu la ka ngâp ngâl puo’n, khutdawh chu la, ka zak a cha ngâl a.

LUKE 7:37

Chun, ngaitie, zie khawpi achun, numei gilo tak khat a um a. Isu chuh Pharisai pa ina chun an ne dingin a chûi tih a het phetin, alabasta bawm in thau gimlim a hun chawi a,

LUKE 3:8

Khutichun, lunghei melpu kham in gah un. Abraham ei suonpa ahii ti’n, na lungthim un ngaihtuoh mai kiu in; Pathien in zie suonghaw hi Abraham suon in a suoh sak thei hi tih ka hun hilh na hiu hi.

THUCHINGTE 23:7

A ngaihtuoh bang tak chun ahi a um chuh, “Ne’n la dâwn in,” ti’n tin, mahleh a lungthim achun ngaihnatna a nei puoi.

2 LENGTE 5:20

Himahlele, Elisha suok Gehazi chun, “Ka pu hin, Suria mi Naaman thil hun chawihsakte la lo in a chieh sak kit ta mai a! Suria mi thilpiek chu a lâk ding hi a, Lalpa hinna sâlin ka gen hi, delh ka ting, bang ahim khat bêk va la’ng ka,” ti’n a lungthim in a ngaihtuoh a.

LUKE 12:17

tichun, amah a hung kingaihtuoh pan ta a, ‘Bangti’n ka hih ta die aw! ka buh leh bâl kawih khawmna ding ka nei puoh ngâl a?’ ti’n.

MATTHAI 20:16

Khutibang chun, anunung pên te le amasapen hung hi’nau, amasapente chu le anunung pên hung hi’nau,” a ti a.

MATTHAI 21:11

Mipite chun, “Zie pa hi thiemgau Isu, Galili gama Nazareth khuo a um chuh ahi.” a tiu a.

LUKE 7:38

A sika a kêngpêk bul achun kap kawmin a ding a, a kêngpêk chuh a mitthi tui in a hih chek a. Tichun, a kengpekte chuh a sam in a thiekhul sak a, a châwp a, thau gimlim chuh a sunkhum ta a.

LUKE 7:40

Isu’n a kawmah, “Simon, na kawmah thu kamkhat gen ding ka nei hi,” a ti a, chun amah chun, “Gen ta leh, Sinsakpa,” a ti a.