LUKE 7:38 - PATHIEN LEKHABU THIENGTHO (BSI)

³⁸ A sika a kêngpêk bul achun kap kawmin a ding a, a kêngpêk chuh a mitthi tui in a hih chek a. Tichun, a kengpekte chuh a sam in a thiekhul sak a, a châwp a, thau gimlim chuh a sunkhum ta a.

LUKE 7:38 ပူးပေါင်းရင်းမြစ်များ

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

THUGENPA 9:8

Kipahmel pu zing inla, na luchang chuh thau nuh ding tasam kihen.

SAM LEHKHABU THE PSALMS 51:17

Pathien pawmtâk kithawihna chuh thagau thasie hi ahi; Aw Pathien, lunggil thasie leh kisik tuntun hi musit puo’n la.

THILSIEMBUL 18:4

Tui tawmchah hun chawih sak u hen la, na keng uh sil unla, thingbul nuoi ahin kichawl tadih unla,

JEREMIA 31:9

Kap kawmin hung khawm un tin, thamuong takin puikit ing ka. Lui luong pang achun pui ing ka ting, a kisuih lohna dinguh lampi cham achun; Israel a dingin pa ka hi ngâl a, Ephraim chuh ka cha masapen ahi, ti’n.

SAM LEHKHABU THE PSALMS 38:18

Ka thulimlohna chuh ka phuong a; Ka gitloh na ziekin ka lungkham a.

EZRA 10:1

Chun, Ezra chuh Pathien In lam zuon in bawkkhup a kap kawm in a paucham a, ti a chuh thupha chawia a paucham lai chun Israel chate chuh a mei-apa, a si a sen in a kawma chun a hung kikhawm u a, tichun, mipite chuh ngeih tak in a kap tau a.

JAKOB 4:9

Lungkham un la, kiko un la, kap un; na nuihnau chuh lungkhamna suok sak unla, na lawpnau chuh lungkhamna suok hen!

LUKE 6:21

“Nang haw, tu a gilkielte haw, na hamphau ui; Hung tai ding na hi ngâl un! “Nang haw, tu a kapte haw, na hamphau ui, hung nui ding na hi ngâl un.

MATTHAI 5:4

“Pûlthuokte chuh a hamphau hi; lungmuon a hung um ding ahi ngâl u a.

ZEKARIA 12:10

Chun, David inkawte chung leh Jerusalem a chêngte chung achun lungsietna leh ngetna thagau sungtha’ng ka ting, chun, a sut pau hi hun en un tin, tichun, mi’n a chapa neihsun a sun bangin sun un tin; mi’n cha lutîl chunga a thuok bangin thuok un au.

JOEL 2:12

Lalpa chun, “Khutichun, tuhin na lunggil chengcheng u a lungkham in, anngawl in, kap unla kei lam hung ngau in.

ISAI 57:9

Chun, gimlim leh sathaute kinuh in, Molek pathien ho dingin na chieh u a, gam gamla tak ah mi na sawl u a, Sheol tieng hiel in a chieh sek a.

SOLOMON LA 1:3

Na min chuh sathau gimlim tak mai nei sathau sundawk bang ahi. Zieziekchun nungak thiengthote’n a hun hehpih ui.

LUKE 22:62

Chun, a pawtdawk a, hah kah in a kap ta a.

LUKE 7:37

Chun, ngaitie, zie khawpi achun, numei gilo tak khat a um a. Isu chuh Pharisai pa ina chun an ne dingin a chûi tih a het phetin, alabasta bawm in thau gimlim a hun chawi a,

LUKE 7:39

Chun, a chiel pa Pharisai chun zie chuh a muh phetin a lungthim in, “Zie pa hi thiemgau a hih chun, a khawih nu hi kuo ahi a, bang tawbang mi ahih a het kilawm ahi a, migilo ahi ngâla” a ti a.

JOHAN 11:2

(Mari chuh, thau gimlim Lalpa nuh a, a sama thiek nu khah a hi a, zie nu suohpihpa Lazarus chuh ahi, damlo chuh.)