LUKE 7:28 - PATHIEN LEKHABU THIENGTHO (BSI)

²⁸ Chun, Isu mah in, “Ka hilh na hiu hi, numei hinthak laka chun Johan sanga lopi zaw a um puou hi. Himahlele, Pathien gama mi neu pên le, amah sang chun a lopi zawu hi,” a ti kit a.

LUKE 7:28 ပူးပေါင်းရင်းမြစ်များ

MATTHAI 11:11

Tihtakzet a ka hun hilh na hiu hi, Numei hin thâk lak achun Baptist Johan sanga lopi zaw a um kha puoi; himahlele van gama mi neupen le amah sang chun a lopi zawi.

LUKE 9:48

a kawm u ah, “Kuole, ka min zieka zie chapang cha hi lawp ta chuh kei ei lawp ahi; kuole, kei ei lawp ta chuh ei sawlpa lawp hi’nau. Na bawn u a laka a neupen chuh a lopipen ahi,” a ti a.

LUKE 3:16

Johan in a kawm u ah, “Ken chuh tui in ka hun baptist na hiu a, himahlele, kei sanga lopi zaw hung ding ahi. A kengtawbek khau phel hâwi le ka hi puoi. Amah chun Thagau Thiengtho leh meia hun baptist ding ahi.

MATTHAI 3:1

Zielai chun Baptist Johan chuh Judia gamthip ah thugen in a hung a,

LUKE 7:27

Ngaitie, ka sawlchak na masangah sawl ing ka ting; Amah chun na ma ah na lampi siem ina,” ti a a chanchin a gen kha amah hi ahi.

LUKE 7:29

Chun, a thugen zate cheng leh siehdawlte chuh Johan baptistma a na changsa ahiu a; Pathien thiem a chan ui.