LUKE 7:25 - PATHIEN LEKHABU THIENGTHO (BSI)

²⁵ Ahihloh leh, bang en ding pên a chiehdawk na hiu hi? Mi kicheina puon silh mawh? Ngaiun, zie tawbang puon lopi silh leh, nuomsate chuh leng In ah a puo a um sek uh.

LUKE 7:25 ပူးပေါင်းရင်းမြစ်များ

MATTHAI 6:29

himahlele ka hilh na hiu hi, Solomon nasan le a lopina chengchenga a kivan inle zie lili pak khat pha hinle zêpin a um puoi.

MATTHAI 3:4

Zie Johan chun sangawngsau mul puon a silh a, a kâwng savun kâwnggak in a gâk a, a an chuh khaupepi leh gam khuoizu ahi.

ISAI 59:17

Chun, diktatna chuh awmphaw guolin âk in tin, zawhna chuh hukdamna lukhuk guolin hun khu ding a hi. Thil diklo hihte chunga phuba lâkna chuh silhlechen guola nei in, hachangthakna’n a kithuom a.

ESTHER 8:15

Mordekai chuh leng puon a dum leh a vam a kithuom in, sana lallukhuk lopi tak leh patngat puonâk chuol sandup a kivan in leng in apat chuh a pawtdawk a. Tichun Susan khawpi chuh kipâk in a kiko dul dul tau a.

ESTHER 5:1

Chun, a anngawlhna ni thum ni chun hiti hi ahi a, Esther chuh a leng puon in a kivan a, lalchutphah pindan zawn tak a, leng In huongsung achun a va chieh a, lalchutphah ma zawn tak achun a va ding ta a. Leng chuh a leng insung achun a um a, In lutna lam nga chun lalchutphah achun a chu a.

ESTHER 4:2

leng In mai ki-ûmna kawtkhak bul gei chun a chieh a, kuomah saidippuon silh a leng In huongsung lut phal ahi ngâl puoh a.

ESTHER 1:11

Lengnu Vasti chuh lengpa masang a a lallukhuk puma mipite leh leng chate masanga a melhawihna sulang dinga va pui dingin thu a pie a. Lengnu chuh numei mel hawihtak ahi ngâla.

ESTHER 1:3

a vaihawm kum thum kum in a milien te chengcheng leh a suokte cheng chenga dingin guol vakna a siem a, Persia leh Media gambung tin a mineizote leh milien chengcheng chuh a tel vek u a.

2 LENGTE 1:8

Chun, amau chun a dâwng u a, “Samul puo’n a kivan a hi a, a kâwng savun kâwnggak in a gâk hi,” a tiu a. Leng chun, “Tishbe-mi Elijah ahi chu,” a ti a.

1 LENGTE 10:5

A dawhkhâng a nek ding te, a suokte chut dân te, a zenviel haw bawl dân te, a kivan dân teu, a khawn piete, Lalpa In a a lat hâlmang thillat te a vak muh chun lungthim nasan a gel thei ta puoh a.

2 SAMUEL 19:35

Tuhin kum sawmgiet a upa ka hi a; a sie leh a pha le ka khendang theia ahim? Na suok hin ka thil nek leh dâwn haw hi a lim leh a lim loh le ka he thei na laia ahim? Pasal leh numeihaw lasak git le ka za khen thei ta puoh a. Zieziekchun na suok hi bang dingin em lengpa ka pu a dinga puokgik tak ka hih mai ding

MATTHAI 11:8

“Bang en dinga gamthip a chieh na hiu hi? Luong huih mût lîng maw? Ahihloh leh, bang en ding pena chiehdawk na hiu hi? Puon nem silh maw? Ngaiun, puon nem silh te chuh leng In ah ahi a puo a um uh.

LUKE 7:24

Chun, Johan sinsakte chuh a chieh nung u chun, Isu’n mipite kawm achun Johan chanchin a gen a: “Bang en dinga gamthip a chiehdawk na hiu hi? Luong huih mût lîng maw?

LUKE 7:26

Bang en ding pên a chiehdawk na hiu hi, ei hilh un? Thiemgau mawh? Ahi a dik hi, thiemgau sanga lopi zaw ahi.

LUKE 16:19

“Chun, mineizo kuo ahim a um a, puon sandup leh patngatpuon a silh a, ni chengin nuomsa takin a um sek.