LUKE 7:16 - PATHIEN LEKHABU THIENGTHO (BSI)

¹⁶ A bawn u chun lauhna a dim in, Pathien a pakcha tau a, “I lak u ah thiemgau lopitak hung um ahi ta hi,” a tiu a. “Pathien in a mite a hun tawh ahi ta hi!” a tiu a.

LUKE 7:16 ပူးပေါင်းရင်းမြစ်များ

LUKE 7:39

Chun, a chiel pa Pharisai chun zie chuh a muh phetin a lungthim in, “Zie pa hi thiemgau a hih chun, a khawih nu hi kuo ahi a, bang tawbang mi ahih a het kilawm ahi a, migilo ahi ngâla” a ti a.

MATTHAI 9:8

Chun, mipite chun zie chuh a muh un a lau tau a, mihiemte kawma khutibang thuneihna pie Pathien chuh a pakcha tau a.

LUKE 1:68

“Lalpa, Israel Pathien chuh pahchak in um hen! A mite a hung veh a; tatna a siem sak ta a.

JEREMIA 33:9

Tichun, zie khawpi hi lei a mi chengcheng, amau a dinga thilpha ka bawl mu chengcheng te masang achun kei a dingin, lawpna te, limbawlna te, lopina te hi’n tin; phatna leh muonna a chung u a ka tunsak haw cheng ziekin lau in kilîng un au.”

LUKE 5:26

A bawn un mak a sa mah mah tau a, lauhna’n a dim u a, Pathien a pakchau a, “Tuni hin thil mak tak I muu ahii,” a tiu a, a lau mah mah u a.

LUKE 2:20

Chun, belamchingte chun, vânsâwlchâk hilh guol ngeia bangakai a muh-uh a, a het ziekun, Pathien pakcha kawma lasa’n a vaikit tau hi.

LUKE 1:65

Chun, a invengte chengcheng chuh lauhna’n a dim tau a. Zie thu haw chuh Judia gam, thingtâng gam cheng achun a kithang suok ta a.

MATTHAI 21:11

Mipite chun, “Zie pa hi thiemgau Isu, Galili gama Nazareth khuo a um chuh ahi.” a tiu a.

MATTHAI 15:31

Khutichun, mipite chun, pautheilote chuh hung pau a, piensuolte chuh hung pha a, kêngbâite chuh kenga chieh a, mitdûkte chuh khuo hun mu thei ta chuh a muh un, mak a sa ten u a; tichun, Israel te Pathien chuh a pakcha tau a.

SAM LEHKHABU THE PSALMS 65:9

Lei hi na vehtha a, tui in na chawma, nasatak in na hih hausa a; Pathien luipi chuh tui in a dima: lei hi khutibanga na guonggalh nung chun amau dingin buh na siem seka.

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

GALATI 1:24

Khutichun, kei ziekin Pathien a limbawl tau hi.

NASEPTE 5:5

Chun, Ananias chun zie thu haw chuh a zak phetin, a puk a, a thi ta a; a za taphawt chun a lau mah mah tau a.

JOHAN 9:17

Khutichun, Pharisaite’n mitdûkpa chuh a vel dawt kit u a, “Na mit a hih vak khah nangin bangti’n na ngai hi?” a tiu a. Amah chun, “Thiemgau ahi,” a ti a.

JOHAN 6:14

Isu’n zie thilmak a hih chuh a muh phet un, mipite chun, “Zie pa hi, thiemgau, khawvel a hung ding pa khah a na hi na hi!” a tiu a.

JOHAN 4:19

Numei chun a kawmah, “Hepu, thiemgau na hi tih ka he tai.”

JOHAN 1:25

Chun, amau chun a kawmah, “Krista bêk, Elija bêk, thiemgau khat ahim bêk na hih loh chun, bang zieka baptist sek na hi?” ti’n a dawng kit u a.

JOHAN 1:21

Amau haw chun a kawmah, “Kuo na hi leh? Elija na hi leh?” a tiu a. Johan chun, “Ka hi puoi,” a ti a. “A leh, thiemgau khah na him?” a tiu a. Amah chun, “Ka hi puoi,” ti’n a dâwng a.

LUKE 24:19

Amah chun a kawm u ah, “Bang thil e?” a ti a. Amau chun a kawmah, “Nazareth Isu chunga thil tungte khah.” “Zie pa chuh thiemgau ahi a, Pathien leh mipite ngaih a, a thugen leh a thilhih a lopi mah mah ahi a.

LUKE 9:19

Amau chun a kawmah, “Baptist Johan ahi a hun tiu a, khenkhat in, Elija ahi a hun tiu a; khenkhat in, malaia thiemgau kuo ahim thokit ahi a hun tiu hi,” a tiu a.

LUKE 8:37

Chun, Gadara kimvel a mi cheng cheng chun a lauh mah mah ziekun, Isu chuh a kawm u apat chieh mang dingin a ngên u a. Khutichun, Isu chuh kuong ah a chuh a, a taihsan ta a.

LUKE 5:8

Simon Peter in zie chuh a muh phetin, Isu masang achun a khupbawk a, a kawmah, “Lalpa, ei taihsan ah, migilo ka hi,” a ti a.

MATTHAI 28:8

Tichun, lau leh kipâk mah mah kawmin thân apan chun a chieh mengmeng u a, sinsakte hilh dingin a tai tau a.

NASEPTE 7:37

Zie Mosi chuh ahi, Israel suonte kawma, ‘Pathien in keimah ei siem guolin, na suohpihteu laka mi ngêi, thiemgau hun siem sak ina,’ ti pa khah.

LUKE 19:44

Chun, nang leh na cha-na naute chuh tuol khetna’n hun nei un tin uh, na sunga suong kitieng himhim hi hâwi puo’n au, ahun vilthak viel lai uh na hetloh ziekun, khutibang ni haw chuh na chung u ah hungtung ina.” a ti a.

DAN NIHNA 18:15

Lalpa na Pathien un na lak u apat ngêi in kei tawbang thiemgau hun siem sak intin; a thu chuh na ngaihkhawk dinguh ahi;

LUKE 7:15

Khutichun, mithi chuh a hung tho dawk a, a hung pau ta a, tichun, Isu’n a nu kawm achun a pie kit ta a.