LUKE 6:7 - PATHIEN LEKHABU THIENGTHO (BSI)

⁷ Tichun, Danthuzikte leh Pharisaite chun a hêkna ding a muh theihna dingun, Chawlhni a a hihdam ding leh hihdam loh ding guntak in a chingsui u a.

LUKE 6:7 ပူးပေါင်းရင်းမြစ်များ

LUKE 20:20

Khutichun, hun lemchâng a hawl tau a. Tichun, mi huntieng, mipha tak hileh kilawm taka va um dingin a gawlhguu a; Isu chuh Rome gam vaipawpa thuneihna leh, thilhih-theihna khuta a piek theihna ding u a, a thugen khiel chângtha ding leh, man dingin a sawl tau a.

LUKE 13:14

Isu’n Chawlhni a mi a sukdam ziek chun, kikhawpna In lawiupa chuh a lungna ta a, mipite chuh a hopih a, a kawm u ah, “Mihiemte nasepna dingin ni gup sung a um a puo; zie sung chun hung unla, kisukdam sak un,” a ti a.

MARK 3:2

Zie a mi khenkhatte chun amah a hêk theihna dingun. Chawlhni’n a hihdam dei mawh ti’n a chingsui u a.

JOHAN 9:16

Chun, Pharisaite abang in, “Zie pa hi Pathien kawma pawt hi puo’n a a ziek chuh, Chawlhni a nit puoi,” a tiu a. Khenkhatte’n vang chuh, “Migilo in bangti’n a, zie tawbang thilmak hi a hih theih ding?” a tiu a. Khutichun, a laku ah kibungkhenna a hung um ta a.

JEREMIA 20:10

Mi tamtak te’n, ning tin ah lauh-um a um a. Kihetloh sak un la, pang khawm hitiu, ti a a phunguk sausau uh ka za a. Ka melhet ka puk chânggu zing sek te chun, thep in um intin, zo ding I hiu, a chungah phuba lai tiu, a tiu a.

ISAI 29:21

Mi themte leh mi gilote gawtna ding dal a, lepchieh gen a, mi dik thiemloh chansak te chuh Pathien in sumangthai vek ina.

SAM LEHKHABU THE PSALMS 38:12

Ka hinna sukmang guoa hawlte chun ei mat na dingun thâng poh a kam sek u a; Ka sietna ding hawl haw chun le thu phalo tak haw a gen un, Nichang tumin lepbawlna thu haw a ngaihtuoh sek ui.

MATTHAI 5:39

Ken chuh ka hilh na hiu hi: Na chung u a gilote chung achun phuba la kiu in. Kuon le, na bieng changlam u a bet u chun a lehlam le dawh un.