LUKE 6:30 - PATHIEN LEKHABU THIENGTHO (BSI)

³⁰ A ngên cheng kawm achun pieu inla, na sum hun lâksakte chuh ngên kit kiu.

LUKE 6:30 ပူးပေါင်းရင်းမြစ်များ

2 KORINTH 8:9

I Lalpau Isu Krista hehpihna chuh, a chatgahna zieka na hung neih zawh theihna dingun, neizo mahlele, nang haw zieka, a hung chatgah tâk khah na he ngâl u a.

NASEPTE 20:35

Thil cheng chengah, zie tawbanga hi nasa taka nasem in na zuih dingun ka hun tatmuh sek na hiu kha, Lalpa Isu thu hezing kawmin mi hatlote na panpih dinguh ahi; amah ngêi in, ‘Lak sangin piek in lukhawng a nei zawi,’ a tih kha,” a ti a.

MATTHAI 6:12

Ka bat uh ei ngaidam in; Kei un le ka thil bateu ka ngaihdam tâk bang un.

LUKE 18:22

Isu’n zie chuh a zak phetin, a kawmah, “Tuhin, thil khat na vat nalai hi; na neih chengcheng khawng inla, neilahte kawmah hawm ah, tichun, van ah go nei inla; chun, hung inla, ei zui ah,” a ti a.

THUCHINGTE 21:26

Minunsie chun ni tum in a awtcha a, himahleh mi diktat chun a piedawk sek a, phal takin a pie sek hi.

SAM LEHKHABU THE PSALMS 41:1

Gimtheite ngaihtuoh mi chuh a hamphau hi: Lungkham ni leh Lalpa’n a mah chuh humbit ina.

THUCHINGTE 19:17

Mi gimtheite panpih chun Lalpa a palâk sak ahi a, a thilhih phat chuh dinthuk kit in a.

LUKE 12:33

Na neih chenguh zuok unla, gimtheite kawmah pieu in; van a gucha chieh lohna ah, hangin a nek siet lohna ah, dangkadip lui theilo leh gote chuh khawlkhawm zawu in.

LUKE 11:41

Khutichun, na khawn u leh na kuong sungteu a um chuh mi chagahte kawmah pieu in, tichun, thil bangkim chuh nang haw adi’n thiengtho ding ahi.

LUKE 6:38

Pieu inla, tichun, piek in um un lau; thilphal taka pie a, sîtchak a, lawhchâk a, let zut zut in, na khut u ah hun pie’nau. Na tehna ngêi mah un hun teh sak kit ding ahi ngâl u a,” a ti a.

MATTHAI 18:35

Mitin in na lunggil tak u a na suohpihteu na ngaihdam loh u chun, ka pa van a um inle khutibang tak chun na chungu ah hih ina,” a ti a.

THUGENPA 8:16

Mi pil hung hi ding leh, khawvel a thil um chengcheng het guoa sun le zan a ip lo a ka vak ngaihtuoh lai chun;

THUCHINGTE 22:9

Mi thilphal chuh vangsak in um intin, a chângthâk mi gimtheite a kikawppih sek ziekin.

SAM LEHKHABU THE PSALMS 112:9

Huongphal takin a hawmzak u a, chagahte kawmah a pieu a, A diktatnau chuh kumlekhuo’n a um hi: A lopinau chuh zah taka dawpsa’n in a um hi.

EPHESI 4:28

Gucha chun gu ta kihen la; tasamte kawma piek ding a neih theih zawkna dingin, khuta thilpha sem in gim zaw he’n.

THUGENPA 11:2

Na thil neih te chuh mun sagih ahim mun giet ahim ah hawmzak in, leichung ahin bang tawbang sietna hungtung ding ahim tih na he puoh ngâla.

MATTHAI 5:39

Ken chuh ka hilh na hiu hi: Na chung u a gilote chung achun phuba la kiu in. Kuon le, na bieng changlam u a bet u chun a lehlam le dawh un.

LUKE 6:29

Mi’n na bieng uh a bet chun a lehlam le dawh un; mi’n na puon a hun lâksak chun, na puonâk u le pie ngâl in.

LUKE 6:31

Chun, mi’n na chunga a hih dinga na deih bang tak chuh mi chung ale hih un.