LUKE 6:25 - PATHIEN LEKHABU THIENGTHO (BSI)

²⁵ “Nanguh, tu a vah te haw, na chunguh a gik hi, hung gilkiel ding na hi ngâl u a. Nanguh tu a nui te haw na chung uh a gik hi; lungkham a hung kap ding na hi ngâl u a.

LUKE 6:25 ပူးပေါင်းရင်းမြစ်များ

ISAI 65:13

Zieziekchun, Lalpa Pathien chun hiti hin a tii, “Ngaitiem u, ka suokte chun vah takin ne’n tin un, himahleh, nang haw vang chuh gilkiel in um un lau; ka suokte chun tui dâwn un tin, himahleh, nang u chuh dangchâk in um un lau; ka suokte chuh kipâk takin um un tin, himahleh, nang u chuh vang zakcha takin um unlau!

JAKOB 4:9

Lungkham un la, kiko un la, kap un; na nuihnau chuh lungkhamna suok sak unla, na lawpnau chuh lungkhamna suok hen!

THUCHINGTE 14:13

Nuihna muna le lungkhamna a um a, himahleh kipahna tawpna chuh lungkhamna ahi.

THUPHUON 3:17

‘Ka neizo in, sum ka hau in, bangmah ka tasam puoi,’ na tih ziek leh, nang mi gimthei, ngaihtuoh-um, neilah, mitdûk, sangawn chuh na hi tih na kihet loh ziekin!

1 THESSALONIKA 5:3

“Muonna leh bitna” ti a a gen lai tak uh leh, numei nauhanat bangin, phulo-halo in, manthaina a chungu ah hungtung intin; suokcha hiel puo’n au.

EPHESI 5:4

Chuleh, nang haw dingin thumanloh gen haw, zahmawh haw, chiemnuih thute gen chuh a kilawmlo ahi. Ziehaw hih sang chun, Pathien kawmah kipahthu gen zawu in.

LUKE 13:28

Abraham te, Isak te, Jakob te leh thiemgau chengcheng te, Pathien gam sunga um na muh u a, nanguh pawlama nawhdawk na hih uh na kihet tieng u leh, zie chun kah leh hagiel chu um ina!

LUKE 12:20

Himahlele, Pathien in a kawmah, ‘Mingawl, tuzan hin na thagau hun lâksak ding ahiu hi; na thil lamdawk haw kha kuo a ding ahi ta die?’” a ti a.

LUKE 8:53

A thi ahi tih a het chiet ziek u chun, a nuihsan tau a.

NAHUM 1:10

Zukhamte guola kham in um mahleu, lingbawk kisepkhawm guolin amau chuh meia hâltum in a um u a; buhpawl gaw guolin hâltum ahiu hi.

AMOS 8:10

Na guolvaknateu chuh lungkhamna suoh sak ing ka ting, na la teu chuh kahna suok hen; kawlladip puon hun chen sak chiet ka ting, luchang met kawlh in, chapa neihsun sun a lungkham bang leh, a tawpna chuh khatna ni bangin siem ing ka,” ti’n.

ISAI 28:7

Himahlele, amau haw chun uain ziekin a sukhiel tau a, khamtheih ziekin a lawn chui chui u a, thiempu te leh thiemgaute chule zukham in a lawn duoi duoi u a, uain valh zawhin a um u a, zu ziekin a hâwi duoi-duoi u a, kilâkna chuh a he thei ta puou hi; vaihawmna thu ale a kipalpai tau hi.

ISAI 9:20

Tichun, mi’n a changlam u a um chuh chuh un tin, himahleh, gilkiel zing tho un au; nêk theih a muh taphawt u chuh neu un tin, himahlele, tai diek puo’n au. Mitin in, amau invengte sa nasan ne’n au.

ISAI 8:21

Lungkham tak leh gilkiel kawmin zie gam chuh tawh viel untin, chun, hiti hi hi’n tin, a gil uh a kiel tieng a lung uh na mah mah untin; a lal u leh a Pathien u chuh hansie lawh zawk zawk un tin, van lam nga’n dâk uou uou un au.

THUGENPA 7:6

Mingawl nuih chuh mei laka ling kihal puok set set tawbang ahi a, umzie bangmah a nei puoi.

THUGENPA 7:3

Nuihna sangin lungkhamna chuh a phazawi, mel achun lungkhamna kilang mahleh hetna a tat hiem hi.

THUGENPA 2:2

Nuih hat hi ngawlna ahi tih le ka mu dawk a, tawbang nawpna chuh phatchuomna bei ahi tih ka he tai.

THUCHINGTE 30:9

Khutilochun vah taluo leng hun hengilh kha’ng ka ting, Lalpa chuh “Kuo ahi?” ti kha’ng ka; a hihloh leh hung chagah taluo leng gu kha’ng ka ting, ka Pathien min susie khang ka.

SAM LEHKHABU THE PSALMS 49:19

Amau chuh a suonteu-suon kawmah chieh ding ahiu a; Bangmah tikin vak hi mu ta puo’n au,

1 SAMUEL 2:5

Nieng leh nal a umte chun nêk kawm a hawl tau a, Gilkielte chu a kiel ta puou: Ahi, ahi, a chîng nu chun cha sagih a hing ta a; Cha tamtak neinu chu a chau tai.

LUKE 6:24

“Amahvang chuh, nang haw, tu a neizote haw, na chunguh a gik hi, na lungmuon nau chuh na mu ta ngâl u a.

LUKE 6:26

“Mi chengin a hun pahchak tieng u leh na chunguh gik ina, zie tawbang mah chun a suonteu in thiemgau lêmte chungah a hih sek ui.