LUKE 6:24 - PATHIEN LEKHABU THIENGTHO (BSI)

²⁴ “Amahvang chuh, nang haw, tu a neizote haw, na chunguh a gik hi, na lungmuon nau chuh na mu ta ngâl u a.

LUKE 6:24 ပူးပေါင်းရင်းမြစ်များ

1 TIMOTHE 6:17

Zie tulai hinkhuo a neizote hi, kiletsak lo ding leh, sum muon-umlo ahin a kinepnau ngalo a, thil chengcheng, I kipahna ding u a ei piepa Pathien chunga chuh nga zaw dingin hilh ah.

MATTHAI 6:2

“Khutichun, thilpiek mi kawma na piek tieng leh, mi, mi gukhah te’n pahchak ding deihna a, kikhawpna Inhaw leh khawlai dung le vaia a hih sek guol un, na mau ah pengkun mût kiu. Tihtakzet a ka hilh na hiu hi, a kipahman uh a mu zo tau hi.

JAKOB 2:6

Nang haw vangin mi chagah chuh na sukzahhuoi zawk uh ahi. Mi neizote chuh nanguh hunam a hun bawl leh, vaihawmna In a hun kailut sekte khah ahi puou maw?

THUCHINGTE 1:32

Mimawlte chiehkhelh na chun amau chuh thih lawh untin, mingawlte nawpsak bawlna chun amau chuh susie ding ahi ngâl a.

MATTHAI 6:16

“An na ngawlh tiengu lele mi, migukhahte guolin nguoi mel pu kiu; amau haw chun mite muh a anngawl a hih uh a kilat theihna ding in a mel uh a hih zatchuom sek ui. Tihtakzet a ka hilh na hiu hi, a kipahman u chuh a mu zo tau hi.

MATTHAI 6:5

“Chun, na paucham tieng u leh, mi, migukhahte banga na um dinguh ei puoi; ziete chuh mi’n a muh theihna dingun kikhawpna Inhaw leh khawlai lamthuom haw a dinsa a paucham a nuom sek ui. Tihtakzet a ka hilh na hiu hi, a kipahman uh a mu zo tau hi.

HAGGAI 2:9

Zie In lopi nunung zaw hi a masa sang khan lopi zawn tin, zie tak achun chamna leh thamuonna pie’ng ka” Lalpa’n a tii.

LUKE 6:25

“Nanguh, tu a vah te haw, na chunguh a gik hi, hung gilkiel ding na hi ngâl u a. Nanguh tu a nui te haw na chung uh a gik hi; lungkham a hung kap ding na hi ngâl u a.