LUKE 6:23 - PATHIEN LEKHABU THIENGTHO (BSI)

²³ Zie tawbang chuh a hungtun tieng leh kipâk unla, lâwpin kichawm un; van ah na kipahman uh a um tam ngâl a. Khutibangmah chun a suonteu inle thiemgaute chungah a na hih sek uh ahi kha.

LUKE 6:23 ပူးပေါင်းရင်းမြစ်များ

2 SAMUEL 6:16

Chun, hiti hi ahi a, Thuthun bawm David khuo a a lut lai chun Saul chanu Mikal chun tukvan apat in a na en a, Lalpa masanga David chawm leh lam chu a vak mu a, a lunggil in a na musit ta a.

1 LENGTE 18:4

Khutia Jezebel in Lalpa thiemgaute a thah lai khan, Obadia chun thiemgau zakhat a pui a, kawlpûk ah sawmnga zel in a selgu a, chângthâk leh tui in a vak sek a.)

1 LENGTE 19:10

Amah chun, “Lalpa sepaihte Pathien a ding hin phachuom ka ngai mah mah sek a. Israel chate chun lah na thugawlh a nusieh ta ngâl u a, na maichâmte a suchim u a, na thiemgaute chemzâm in a satlum u a; Kei, keimah mai hi a um sun ka hi, kei hinna le sukmangthai ding guo’n a hawl nalai ui,” a ti a.

1 LENGTE 19:14

Amah chun, “Lalpa sepaihte Pathien a dingin phachuom ka ngai mah mah sek a. Israel chate hin lah na thugawlh a nusieh u a, na maichâmte a suchim u a, na thiemgaute chemzâm in a that u a; kei, keimah mai hi a um sun ka hi, kei hinna le sukmangthai ding guo’n a hawl nalai ui,” a ti a.

1 LENGTE 19:2

Chun, Jezebel chun Elijah kawmah thupawtu a sawl a, “Zing leh tuhun mah mah ahih na mi thahte laka khat guola nang hinna le ka bawl loh chun, pathien te’n a nawp nawp ei lawh mai hen, zie sanga nasa zaw chun le,” a ti a.

1 LENGTE 21:20

Chun, Ahab in Elijah kawmah, “Nei hung mudawk ta maw, ka melmapa?” a ti a. Elijah chun a dawng a, “Ka hun mu tai: Lalpa mit muh a thil phalo hih dinga na kizuok tâk ziekin.

1 LENGTE 22:27

Chun, a kawm u ah, leng in hiti hin a tii, ‘Zie pa hi suongkul ah khum unla, lungmuong taka ka hungkit macheng, gimthawkna an leh gimthawkna tui a na pieu un,’ tiu in,” a ti a.

1 LENGTE 22:8

Chun, Israel leng chun Jehoshaphat kawmah, “Lalpa ei uh a dinga ei dawt sak thei ding mi khat Imlah chapa Mikaiah vang a um kha uo. Himahleh, amah hi chu ka mudah chi tak ahi; ka chungchâng thu hi a sie lam chauh lo ngâl, a phalam himhim a gen ngei puoh ngâl a,” a ti a. Chun, Jehoshaphat chun, “Leng in khutibang chun gen kihen,” a ti a.

2 LENGTE 6:31

Tichun, amah chun, “Tuni hin Shaphat chapa Elisha hi a luchang tan a hihloh chun, Pathien in a lawh lawh ei lawh mai hen la, zie sanga nasa zaw chun le,” a ti a.

2 KHANGTHUBU 36:16

Himahleh Pathien mi sawlte chu a na musit u a, a thugen chu a ngaihsak puou a, Thiemgau te chu a nuihsan u a, suohchak na himhim umlo khawpa, Lalpa lungnatna a mite chunga a tun ma chun.

NEHEMIA 9:26

“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

SAM LEHKHABU THE PSALMS 58:11

Khutichun, mipite chun, “Mi diktat a ding chun kipahman a um tak taka; Lei ahin Pathien in vai a hawm tak tak ahi nai,” ti’n au.

ISAI 35:6

Chun, kêngbâite chuh sazuk guolin kichawm in tin, pautheilote chun lâwpin lasau un tin, gamgaw achun luichate luong ta’n tin.

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

MATTHAI 5:12

Kipak unla nasatak in lawp un, van ah na kipahman uh a um tam ngâl a; khutibangmah chun na mau a thiemgau umte khale a na bawl gimthei sek uh ahi kha.

LUKE 1:41

Chun, tihi ahi a, Elizabet in Mari hopih chuh a het phetin, a gil sunga nausen chuh a hung tawi a. Tichun, Elizabet chuh Thagau Thieng tho in a dim a;

LUKE 1:44

Ngaitie, nei chibai thawm ka bil a a lut lut in, ka gil sunga nausen chuh kipâkin a kichawm hi!

LUKE 6:35

Khutichu hilo in, na melmateu hehpih unla, a phatna dinguh hih unla, bangmah muh kit kinepna hilo in palâk sak un. Khutichun, kipahman tampi nei un na tin, Chungnung pên pa chate hin lau. Amah chuh mi kipahna zie helote chung leh mi gilote chuh a hehpih sek ngâla.

NASEPTE 14:10

Aw ngeih tak in, “Na keng in ding zang ah!” a ti a. Tichun, amah chuh a chawm tho a, keng in a chieh ta a.

NASEPTE 3:8

Chun, amah chuh a tho dawka, a ding a, keng in a chieh pan ngâl ta a. Khutichun, kenga chieh leh chawm chawm in, Pathien pakcha kawm zelin Pathien Ho-In achun a lutkhawm tau hi.

NASEPTE 5:41

Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.

ROME 5:3

Chuleh, khuti mai chuh hilo in, I gimtheihnau ale kipâkin um hitiu, gimtheihna chun thuokhatna a siem a;

2 KORINTH 12:10

Zieziekchun, Krista vangin, zawnkhalna banga le, sukmuolpho a umna banga le, tâksapna bang ale, sukgimtheihna banga le, haksatna haw ale kipâk tak in ka um sek hi. Ka zawnkhal cheng leh ahi, ka hât zawk sek hi.

KOLOSSA 1:24

Tu a, nang u dinga ka thuokna ahin ka kipâk hi, Krista’n a sapum sika a dahum thuok bân chuh, ka sapum ahin ka thuok pih zel zawk ahi; a sapum chuh sapchuom haw hi a hi ngâl a.

2 TIMOTHE 2:12

I thuok muolsuoh u chun, A vaihawmna ah vaihawm hitiu; Amah I kilepsan u chun, Ama’n le ei kilepsan ina;

HEBRAI 11:26

Aigupta gam go haw sang chun Krista a gensietnau chuh lopi zaw a seh in, kipahman piek ding chuh a thil zing hi.

HEBRAI 11:6

Himahlele, taksanna lo in Pathien lungtuok mi hih guol ei puoi; Pathien kawma hung ta chun, amah chuh a um hi tih leh, taima taka amah hawlte kawma kipahman pie nuom mi ahii tih, ginchak ding ahi.

JAKOB 1:2

Ka suohpihte haw, na chunguh a patepna tin cheng a hungtun tieng chu leh, nangmau mawng chuh vangpha’n kingai un,

1 PETER 4:13

Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.

THUPHUON 2:17

“Thagau in sapchuom haw lawite kawma thu a gen hi bil nei chun zau hen. A zo tacheng kawm achun, manna selguk khenkhat chuh pie ding ka hi. Chun, a kawmuh achun, suong vam, a chunga min thak kizik, a mute ngâl lo in a het loh uh chuh pie chiet ing ka, ti’n.

THUPHUON 2:26

Tichun, a zo ta cheng leh, a tâwp tienga ka thil deih haw hih ta cheng chuh, ken ka Pa apat a thuneihna ka muh bang mah hih a kawm u ah pieng ka.

THUPHUON 2:7

“Thagau in sapchuom haw lawite kawma thu a gen hih, bil nei chun zau he’n. “A zo ta cheng chuh, Pathien Paradise a um, Hinna thinggah chuh nek sak ing ka a ti ie, ti’n.

THUPHUON 21:7

A zo ta chengin zie chuh ka kawm apat muu un tin; Kei a Pathien u hi’ng ka ting, amau chuh ka chate hi’n au.

THUPHUON 3:12

A zo ta cheng chuh ka Pathien Ho-In ah banin siem ing ka ting, tak apat chun pawtdawk ta puo’n au. A chung achun ka Pathien min tawh, ka Pathien khawpi, Jerusalem thak, van a ka Pathien apat a hung suk ding min chu tawh zik ing ka. A chung achun ka min thak le zik ing ka.

THUPHUON 3:5

A zo tacheng khutibang chun, puon vam silh sak in um un au, chun, Hinna Lehkhabu apat, a min u chuh thai mang lo hiel ding ka hi, ka Pa masang leh, a vânsâwlchâkte masang achun a min uh ka phuon ding ahi.