LUKE 6:21 - PATHIEN LEKHABU THIENGTHO (BSI)

²¹ “Nang haw, tu a gilkielte haw, na hamphau ui; Hung tai ding na hi ngâl un! “Nang haw, tu a kapte haw, na hamphau ui, hung nui ding na hi ngâl un.

LUKE 6:21 ပူးပေါင်းရင်းမြစ်များ

THILSIEMBUL 17:17

Khutichun, Abraham chuh a khupbawk a, “Kum za mi hin cha a nei dinga ahim? Sarah kum sawmkuo mi hin cha a nei dem?” ti’n a lunggil in a nui a.

THILSIEMBUL 21:6

Chun, Sarah chun “Pathien in ei nuih sak tai, mitin a he taphawt in ei nuih pih in au,” a ti a.

SAM LEHKHABU THE PSALMS 107:9

Amah chun dangchâkte chuh a hih tai a, gilkielte chuh thilpha’n a hih vah sek hi.

SAM LEHKHABU THE PSALMS 119:136

Ka mittui hi lui tui tawbang in a luong tha a, Na dân a zuih loh ziek un.

SAM LEHKHABU THE PSALMS 143:6

Ka khut haw hi nang lam ah ka zak sek a; Ka hinna hi gam gaw bangin nang mah ah a dangchâk sek hi.

SAM LEHKHABU THE PSALMS 17:15

Ken vang chuh diktatna nei in na mel mu’ng ka ting: Nang mah batna nei a ka thawh dawk tieng le chuh lungkim kei ta’ng ka.

SAM LEHKHABU THE PSALMS 28:7

Lalpa chuh ka hatna leh ka phaw ahi; Ka lunggil in amah chuh ka gingcha a, tichun panpih in ka um a; Zieziekchun ka lunggil hi nasatak in a kipâk a; Ka la hin a mah pakcha’ng ka.

SAM LEHKHABU THE PSALMS 65:4

Na Ho-In huongsung kawtlaia um thei dinga Na tel a, na kieng na zawt sakte chuh mi hampha ahiu: Na in phatna chun tai ung kau, Na Ho-In mun thiengtho phatna chun.

ISAI 25:6

Zie tâng ahin sepaihte Lalpa chun khawvel a namtin dingin nek ding phapen leh sathau lim pên a guolvakna, theng leh thau leh uain phapen a guolvakna siem intin.

ISAI 30:19

Zieziekchun, nang haw Jerusalem a cheng, Zion mipite chuh kap kit ta puo’n lau. Lalpa chuh mi lungsiet thei tak ahi a, panpihna ngên a na kiko tieng u leh hun dâwng ina.

ISAI 66:10

Jerusalem hehpih chengcheng te haw, Jerusalem chuh kipahpih unla! nang haw zie khawpi lungsiet chengcheng te chuh lawp unla! Tuhin, a chunga lungkham cheng chengte chuh kipâk un.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

JEREMIA 31:25

Thagau hinna chau haw chuh ka sutai ta a, mi lungkhamte chuh ka suhalh ta ngâla.

JEREMIA 31:9

Kap kawmin hung khawm un tin, thamuong takin puikit ing ka. Lui luong pang achun pui ing ka ting, a kisuih lohna dinguh lampi cham achun; Israel a dingin pa ka hi ngâl a, Ephraim chuh ka cha masapen ahi, ti’n.

JEREMIA 9:1

Ka luchang hi tui hi henla, ka mit hi mitthi tuinak hile chuh aw! Ka mi, ka chanu thah a um te a ding chun sun le zan in kap ing ka.

EZEKIEL 7:16

Ahihziekin, a suokcha a taidawk a um chun, luiphai vakhu guolin tâng chung haw achun muhdawk in um in tin, amau chiet gitlohna ziekin thum leh mau in um in au.

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

MATTHAI 5:4

“Pûlthuokte chuh a hamphau hi; lungmuon a hung um ding ahi ngâl u a.

MATTHAI 5:6

“A diktatna ziek a gilkiel a dangchâkte chuh a hamphau hi; hung tai ding ahi ngâl un.

LUKE 1:53

Gilkielte chuh thil phatak chun a sutai a, Neizote chuh khut ngawnin a sawl mang ta a.

LUKE 6:20

Chun, a dâk dawk a, a sinsakte chuh a en a, a kawm u ah: “Nang haw gimtheite haw, na hamphau ui; Pathien gam chuh nanghaw a ahi ngâl a!

LUKE 6:22

“Mihiem Chapa zieka mi’n a hun hawt u a, a hun deihloh u a, a hun gaih u a, mi phalo na hi ti a a hun gen tieng u leh mi hampha hung hi ding na hiu ui.

LUKE 6:25

“Nanguh, tu a vah te haw, na chunguh a gik hi, hung gilkiel ding na hi ngâl u a. Nanguh tu a nui te haw na chung uh a gik hi; lungkham a hung kap ding na hi ngâl u a.

JOHAN 11:35

Isu a kap ta a.

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

JOHAN 6:35

Isu’n a kawm u ah, “Kei hi hinna chângthâk chuh ka hi, kuole, ka kawma hung chuh a gil kiel puo’n a, kuole, ei gingcha chuh, bangtik inle a dangchâk puo’n a.

1 KORINTH 4:11

Tu tieng hin le, ka gilkiel un, ka dangchâk u a; silhlechen ka kham puou a, mi khutthak nulna ka hiu a; chênna bulbâl ka nei puou hi.

2 KORINTH 11:27

Nasep gim leh chawlna leh, ihmut mawhna te ale; gilkiel leh dangchâk na te ale; nek ding tâksapna munte, vel tamtak umna ding leh silhlechen beia umna banga le.

2 KORINTH 12:10

Zieziekchun, Krista vangin, zawnkhalna banga le, sukmuolpho a umna banga le, tâksapna bang ale, sukgimtheihna banga le, haksatna haw ale kipâk tak in ka um sek hi. Ka zawnkhal cheng leh ahi, ka hât zawk sek hi.

2 KORINTH 6:10

Suklungkham in ka um u a, kipâk zing ngâl in; chagah taka kilang ngâl in, mi tamtak neihzawh sak ngâl in; bangmah neilo bang in, thil cheng cheng ka nei ngâl u a.

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.

THUPHUON 7:16

Gilkiel kit ta puou un tin uh, a dang uh le châk kit diek ta puo’n a; nisa’n le kâng ta puo’n tin, lum himhim inle sugimthei diek ta puo’n a.