LUKE 6:19 - PATHIEN LEKHABU THIENGTHO (BSI)

¹⁹ Amah apat thilhih theihna pawt in mitin a hihdam zel ziekin, mipi chengcheng chun amah khawih khâk a guo chiet tau hi.

LUKE 6:19 ပူးပေါင်းရင်းမြစ်များ

MATTHAI 14:36

A puon mawng bêk tham sak dingin a ngên u a; tichun, a tham taphawt chuh a hung dam zel tau a.

MARK 3:10

Mi tamtak a hihdam ta ngâl a; khutichun, natna nei taphawt in amah a tham theihna dingun a vawk hut hut u a.

MARK 6:56

Khutichun, khuo lien leh khuo neu leh lo haw ale, a lutna taphawt ah, damlo haw chuh khawlai dunghaw achun a kuol sak uh a, a puon mawng bêk tham theihna ding a ngên u a; tichun, amah tham taphawt chuh a dam zel tau hi.

MARK 5:30

Chuleh, Isu’n le a sung apat in thilhih theihna a pawt hi tih a he pai zieng ta a, mipi lak achun a dâk viel a, “Kuo a ka puonhaw khawih kha?” a ti a.

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

MARK 8:22

Chun, Bethsaida a hung tung u a; mitdûk khat a kawmah a hun pui u a, amah khawih dingin a ngên u a.

NASEPTE 19:12

Khutichun, a sapum apat, khawsa-ul thiekna puon bang, chenthuoh puon bang, damlote kawmah a chawi u a, tichun, a natnateu chuh nawhmang in a um zel ta a, chun, thitha haw le a sung u apat a pawtdawk sek u a.

LUKE 5:17

Chun, tihi ahi a, ni khat chuh, Isu’n a sinsak lai in, Pharisaite khenkhat leh dân thuzikte a kawmah a chuu a, ziehaw chuh Galili leh Judia gam khawpi tin apat a leh Jerusalem khuo apat a hung ahiu ui. Lalpa thilhih theihna chuh mi sukdamna dingin Isu kawmah piek in a um a.

2 LENGTE 13:21

Chun, mi thi khat a vuih ding lai tak un hiti hi ahi a, ngaitiem u, mi lawikhat a vak muu a, tichun, zie pa chu Elisha thân achun a khethasuk zieng u a; a taihsan tau a. A luong chun Elisha guh chu a sukkhak phet chun, a hung hing kit a, a hung ding dawk ta a.

LUKE 6:18

Ziete haw chuh a thu ngaitha nuom leh a natna teu sukdam sak nuom a hung ahiu hi. Thitha buok in a sawisakte le a hung u a, tichun, a dam zel tau hi.