LUKE 6:12 - PATHIEN LEKHABU THIENGTHO (BSI)

¹² Chun, tihi hi ahi a, Isu chuh a pawtdawk a, paucham dingin tângah a chieh a, Pathien kawmah zankhuo’n a paucham a.

LUKE 6:12 ပူးပေါင်းရင်းမြစ်များ

HEBRAI 5:7

Amah chun, phehlevo a a umlai nihaw khan, thihna laka amah hukdawk theipa kawm achun hahpi a kiko leh, mitthi thiek kawmin, pauchamna leh ngetna a nei a. Tichun, a kingaihniem ziek leh, a kipumpiek ziek chun, Pathien in a ngaitha ta a.

MARK 6:46

Tichun, amau haw chuh a kikhensak zawhin, paucham dingin tângah a chieh ta a.

MARK 1:35

Chun, a zingkal kit ma takin, khawvak ma pek in Isu chuh a tho a, a pawtdawk a, gamthip mun khat ah a va chieh a tak achun a paucham ta a.

KOLOSSA 4:2

Paucham hâm hâm unla, zie achun kipahthu gen kawmin khawningai un.

MATTHAI 6:6

Himahlele, nang haw chuh na paucham tieng u leh, na indan sunggil u ah lut un la, na kawtkhak inla, na pau a gûka um pa kawm achun paucham un, tichun, na pau a gûka hun mu sek pa chun hun din ina.

DANIEL 6:10

Khapna lehkha achun leng Darius chun a min a zik tai tih a Daniel in a het phet chun In ah a lut a. (A pindan tukvan chuh Jerusalem lam nga a kihawng ahi a) A hihdan ngeina guolin, khupdin in, ni khatin thum vei a paucham a. Pathien kawmah kipahthu a gen a.

SAM LEHKHABU THE PSALMS 22:2

Aw ka Pathien, sun in ka hun uou a, himahleh nei dâwng puoh a; Zankhuo’n ka hun uou a ka khawngai diek puoh a.

1 SAMUEL 15:11

“Saul lenga ka na siem chu ka kisik ahi; ei zuihna apat a a kinunghei a ka thupiekte a zawp loh ziekin,” a ti a. Chun, Samuel chu a lungna a, zankhuo’n Lalpa chu a sama.

ISAI 26:9

Zan lai in ka hinna’n a hun thangaih a, Ahi, ka sunga ka thagau hin tihtak zetin zingkal matak in hun hawl ing ka; leichung a vai na hawm tieng leh, leichung a umte chun diktatna chuh a zil sek ngâl u a.

MATTHAI 5:1

Tichun, mipite chuh a muh phetin tângah a chieh to a, chun, a chu a. A sinsakte a kawmah a hung u a;

MARK 3:13

Chun, Isu chuh tângah a chieh to a, a deih dân cheng chuh a sam dawk a, a mau chuh a kawmah ahung u a.

LUKE 5:16

Himahlele, amah chuh mun thip ah a chiehdawk a, a paucham sek a.

LUKE 6:11

Khutichun, a lung uh ki-ip in a puok kêk vangvang u a, tichun Isu chunga hih dân ding a kidawptuoh tau a.

LUKE 6:17

Isu chuh tâng apat a sawlchakte tawh a hung suk phet u chun, a nungzuite tamtak tawh muncham khat ah a ding a. Judia gamsung cheng apat leh, Jerusalem khuo apat leh, Tura leh Sidon gama tuisuohgiet pang apat mipi tamtak a um u a,

LUKE 9:18

Chun, tihi ahi a, Isu amah chauh a a paucham lai in, sinsakte chuh a kawmah a hung u a, amah chun a kawm u ah “Mipite’n kuo ahi ei tiu hi?” ti’n amau haw chuh a dawng a.

LUKE 9:28

Chun, tihi ahi a, zie thu haw a gen nung ni giet hal vel chun, Isu’n, Peter te, Johan te, Jakob te chuh a pui a, paucham dingin tâng achun a chieh to u a.

LUKE 9:29

Chun, a paucham lai in, a mel put zie chuh a hung danglam ta a, a silhlechen haw chuh hung vam in, a te sulsul zieng ta a.

JOHAN 6:3

Isu chuh tângah a chieh to a, tak achun a sinsakte tawh a chuu a.