LUKE 5:8 - PATHIEN LEKHABU THIENGTHO (BSI)

⁸ Simon Peter in zie chuh a muh phetin, Isu masang achun a khupbawk a, a kawmah, “Lalpa, ei taihsan ah, migilo ka hi,” a ti a.

LUKE 5:8 ပူးပေါင်းရင်းမြစ်များ

ISAI 6:5

Ziephet chun, ken, “Mûk thienglo pu ka hi a, mûk thienglo pu mite laka um ka hih ziekin, ka chung a gik na e! a mangthai chuh ka hita hi; ka mit in Lalpa, Sepaihte Lalpa chuh a mu ta ngâl a,” ka ti a.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

VAIHAWMTE 13:22

Chun, Manoah chun a zi kawmah, “Pathien mu I hih ziekin thi ngêi ding I hi,” a ti a.

PAWTDAWKNA 20:19

Tichun Mosi kawmah, “Ka kawm u ahin nangin thu gen zaw tie, a na ngaitha’ng kau: Pathien chun vang ka kawm u ahin thu gen ta kiheh, khutilochun thi kha’ng kau,” a tiu a.

JOB LEHKHABU THE BOOK OF JOB 40:4

“Ngaitie, kei migilo hin, bangti’n ahim ka dâwn theih ding? Ka khut in ka kam ka him mai ahi.

1 SAMUEL 6:20

Bethsemesh khuo a mite chun, “Zie Pathien thiengtho Lalpa ma ahih kuo a ding thei ding? I kawm uh apat hin khawi ah a chiehdawk ta dem?” a tiu a.

MATTHAI 17:6

Chun, sinsakte chun zie chuh a het un, maia tuol si’n a khupbawk u a, a lau mah mah tau a.

JOHAN 11:32

Tichun, Mari chuh Isu kawm chuh a va tung a, a muh phetin a keng bul ah a khupbawk a, a kawmah, “Lalpa, taka hi um hileh chin, ka suohpihpa thi lo ding hi ven!” a ti a.

MATTHAI 8:8

Sepaih za lawiupa chun, “Lalpa, ka in sung na lutna tak ahi puoi, thu mai gen leh chinle ka suokpa chuh dam zieng ina.

MATTHAI 2:11

Chun, In sung ah a va lut u a, a nu Mari kawma nausen chuh a muu, a bawkkhup u a, a chibai tau a. Tichun, a go bawmteu a hawng u a, a kawm achun kipahna sanate, begaw leh Murra te a pieu a.

1 LENGTE 17:18

Chun, amah chun Elijah kawmah, “Aw nang, Pathien mi, nang leh kei hi bang I hi a ahi? Ka gitlohna ei hetdawk sak ding leh, ka chapa that dinga hung na hi hi uo!” a ti a.

2 SAMUEL 6:9

Chun, zie ni chun David chun Lalpa chu a lau ta a, “Bangti’n Lalpa bawm chu ka kawmah ahung thei ta die aw?” a ti a.

1 KORINTH 13:12

Tuhin vang, lim-et a, kimu guolin, I mu giel guol uh ahi, khutih hun le vang chuh, kimaichangtuoh in mu tai tiu. Tuhin vang, a kimlo in ka he a, zie tieng chule vang, Pathien in ei het kim guol hin he kim ta’ng ka.

LUKE 5:7

Ziephet chun, kuong danga a lawiteu um haw chuh amau haw hung panpih ding chun khut in a vak zap u a. Tichun, a hung u a, kuong nih chuh tum vang vang hielin a sungdim gel u a.

LUKE 5:9

Amah leh a lawite chun, zie bang lâwm lâwm a nga tampi a mat u chuh mak a sa mah mah u a.