LUKE 5:30 - PATHIEN LEKHABU THIENGTHO (BSI)

³⁰ Chun, Pharisaite leh Danthuzikte chuh sinsakte chungah a phunchiek u a, “Bang zieka siehdawlte leh migilote kawma na nek u a na dâwn u a?” a tiu a.

LUKE 5:30 ပူးပေါင်းရင်းမြစ်များ

NASEPTE 23:9

Tichun, nasatak in a buoi tau a, Pharisai lama mi, Dan thuzikte laka khenkhat a ding dawk u a, nasatak in a niel u a, “Zie pa hi, bangmah a gitlohna I mu puou hi; thagau inle, vânsâwlchâkte’n le amah a hopih ahih khâk chun, Pathien I do loh dinguh ahi!” a tiu a.

LUKE 19:7

Chun, zie chuh a muh phet un a bawn un “Migilo pa In a tung dingin a chieh ta khu!” ti’n a phun sausau tau a.

LUKE 5:21

Ziephet chun, dân thuzikte leh Pharisaite chun, “Zie banga Pathien gensie hi kuo a hi die! Pathien ngâllo chuh kuo a gitloh ngaidam thei?” ti’n a ngaihtuoh u a.

LUKE 5:17

Chun, tihi ahi a, ni khat chuh, Isu’n a sinsak lai in, Pharisaite khenkhat leh dân thuzikte a kawmah a chuu a, ziehaw chuh Galili leh Judia gam khawpi tin apat a leh Jerusalem khuo apat a hung ahiu ui. Lalpa thilhih theihna chuh mi sukdamna dingin Isu kawmah piek in a um a.

MARK 7:3

Pharisaite leh Juda chengcheng in, upate thuguichin chu a tukchak ziekun, khut sawp lo in an a ne kha puoh ngâl u a.

ISAI 65:5

Tichun, mi dangte kawmah, “Kiveng in la, ei hung naih kih, nang haw sang chun ka thiengtho ngâl u a,” a ti sek ui. Zie tawbang mite chuh ka nak a meikhu leh ni tum a meikuong tawbang ahiu hi.

LUKE 18:11

Pharisai chuh a ding dawka, amah mai in hiti hin a paucham ta a: ‘Pathien, mi dangte guola lepgu, diktatlo ahim, zawlsai ahim ka na hih loh ziekin, na chungah ka kipâk hi. Zie taka siehdawlpa tawbang khuh ka hih loh ziekin le ka hun pakchai.

LUKE 7:39

Chun, a chiel pa Pharisai chun zie chuh a muh phetin a lungthim in, “Zie pa hi thiemgau a hih chun, a khawih nu hi kuo ahi a, bang tawbang mi ahih a het kilawm ahi a, migilo ahi ngâla” a ti a.

LUKE 7:34

Mihiem Chapa a hung a, a ne’n a dâwn a, nanghaw’n, ‘Entiem u, an heh pa, uain heh pa, siehdawlte leh migilote guolpa khuh!’ na ti zel u a.

MATTHAI 5:46

Nanguh hun hehpihte mai na hehpih u hin bang kipahman a na muh ding uh? Siehdawlte nasan in zie bang chuh a hih sek uh hilo ahim?

MATTHAI 9:11

Pharisaite chun zie chuh a muh un, Isu leh a sinsakte kawm achun, “Bangati a na sinsakpau in siehdawlte leh mi gilote laka a nek a?” a tiu a.

MARK 2:16

Chun, siehdawlte leh mi gilote, Isu’n ankuong a umpih chuh, Danthuzikte leh Pharisaite’n a muh un, a sinsakte kawmah, “Bangti a, mi gilote leh siehdawlte kawma ne a, dâwn ahim?” a tiu a.

MARK 9:16

Isu’n a sinsakte kawmah, “Bang thu a amau haw tawh kiniel na hiu a?” ti’n a dawng a.