LUKE 5:24 - PATHIEN LEKHABU THIENGTHO (BSI)

²⁴ Bang hilele, lei chunga hin Mihiem Chapa hin gitloh ngaihdam theihna a nei hi tih hun hilhchien ing ka,” a ti a. Khutichun, zeng kawm achun, “Tho inla, na puonphah la’n la, na In ah chieh ah ka hun tih na hi,” a ti a.

LUKE 5:24 ပူးပေါင်းရင်းမြစ်များ

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

DANIEL 7:13

Zan a kilâkna hung um achun, mi khat, mihing mel tawbang pu hi ka mu a. Meipi ûmkimvel in, kei lam hun zuonin ka mu a, himahleh amah chuh kumlekhuo a hing zing pa lam achun a chieh a, a kawmah a va um ta a.

MATTHAI 16:13

Chun, Isu chuh Philippi, Kaisari biel chuh a hung tun in, a sinsakte kawmah, “Mi haw’n Mihiem Chapa hi kuo ahi a tiu hi?” ti’n a dâwng a.

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

MATTHAI 26:64

Isu’n a kawmah, “Hi e, himahlele, ka hun hilh na hi, tunung leh, Mihiem Chapa hi Bangakai hihtheipa khut changlama chu a, van meipi chunga hung hun mu ding na hiu hi,” a ti a.

MATTHAI 28:18

Tichun, Isu chuh a kawm u ah a hung a, a kawm u ah, “Lei leh van a thuneihna chengcheng ka kawma piek ahi tai.

MATTHAI 4:24

Tichun, Suria gam chengcheng ah a chanchin a thang ta a; tichun mi damlo chengcheng, damlohna leh natna tin cheng thuokte, thitha mat haw, phungzawl vei haw, zeng haw a kawmah a hun pui u a, a na hihdam a.

MATTHAI 9:6

Bang hitalele, lei chunga hin Mihiem Chapa’n gitloh ngaihdam theihna a nei hi tih na het theihna dingun,” a ti a. Khutichun, zeng kawm achun, “Tho inla, na puonphah la’n la, na In ah chieh ah,” a ti a.

LUKE 5:13

Tichun, Isu’n amah chuh a vak bân a, a khawih a, “Ka nuom hi, a na thiengtho ta’n,” a ti a. Chun, phulo-halo in a phâk chuh a bei pai zieng ta a.

LUKE 5:18

Chun, ngaitie, zeng khat a zâlkhun pum in a hun zawn u a, a ânga kawih dingin zawn lut a guou a.

LUKE 5:23

‘Na gitlohna ngaihdam ahi tai,’ tih leh, ‘Tho inla, keng in chieh ta’n, tih hi a bang hi a gen baihlam zaw?’

LUKE 7:14

Tichun, a va naih a, lang chuh a khawih a, a zawnte chuh a ding tau a. Ziephet chun, Isu’n, “Tangval, tho ah, ka hun tii!” a ti a.

LUKE 8:54

Ziephet chun, Isu’n a khut in a tu a, “Bawinu, tho ah” ti’n a sama.

JOHAN 11:43

Khutia a gen zawh phet chun, ngeih tak in, “Lazarus, hung pawt ah,” ti’n a kiko a.

JOHAN 17:2

Mi chengcheng chunga thunei in na siem a, ti a chuh, na piekte kawma hinna a piek theihna dingin.

JOHAN 3:13

Van apana hung suk Mihiem Chapa ngâllo kuomah van ah a kal ngei puou hi,” a ti a.

JOHAN 5:27

Mihiem Chapa a hih ziekin, a kawmah vaihawm theihna thuneihna a piei.

NASEPTE 14:10

Aw ngeih tak in, “Na keng in ding zang ah!” a ti a. Tichun, amah chuh a chawm tho a, keng in a chieh ta a.

NASEPTE 5:31

Amah mawng khah, Pathien in Lal leh Hukdampa hi dingin a changlam ah a limbawl ta a; Israel te gitloh lunghei sak ding leh ngaidam dingin,

NASEPTE 9:34

Chun, Peter chun a kawmah, “Ainis, Isu Krista chun a hun hihdam hi, tho inla, na puonphah ziel ah,” a ti a. Tichun, a tho ngâl ta a.

NASEPTE 9:40

Himahlele, Peter chun a bawn un a pawtdawk sak vek a, a khupdin a, a paucham ta a; chun, luong lam chuh a nga a, “Tabitha, tho ah,” a ti a. Tichun, a mit a hun hak a, Peter chuh a muh phetin, a chu dawk ta a.

THUPHUON 1:13

Thaumei kawihna lak achun, Mihiem Chapa tawbang, kêngpêk phiet a puon silh, a awma sana kâwnggak a kigak le ka mu a.