LUKE 5:12 - PATHIEN LEKHABU THIENGTHO (BSI)

¹² Chun, tihi ahi a, khaw khata a um lai in, ngaitie, mi khat phâk vei a um a. Isu a muh phetin, a masanga bawkkhup in, “Lalpa, na nawp leh nei hih thiengtho thei hi,” ti’n a ngên a.

LUKE 5:12 ပူးပေါင်းရင်းမြစ်များ

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

LUKE 17:16

Isu keng bul ah a khupbawk a, kipahthu a gen ta a. Zie pa chu Samari mi a hi a.

MATTHAI 9:28

Chun, In a a lut phetin, mitdûk haw chuh a kawmah a hung u a. Isu’n a kawm u ah, “Ziehi hih thei dingin nei gingchau hi?” a ti a. Amau haw chun, “Gingcha e, Lalpa” a tiu a.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

SAM LEHKHABU THE PSALMS 91:15

Amah chun ei sam intin, tichun dâwng ing ka; A lungkham pet in kei a kawmah um ing ka ting; Amah chauh humbit ing ka ting, tichun limbawl ing ka.

MATTHAI 26:6

Chun, Isu chuh Bethani khuo a Simon, mi phâkpa In a a um lai in,

PAWTDAWKNA 4:6

Chun, Lalpa’n Mosi chuh a hopih kit a, “Na khut kha na âwm ah vak kawih tie,” a ti a. Tichun a khut chuh a âwm achun a vak kawih a; a lâkdawk kit phet chun ngaitie, a khut chuh a hung phâk a, vuk bangin a hung vam ta a.

THILSIEMBUL 18:14

Lalpa a dingin thil bangkim a haksa taluo a um a ahim? Hun tiem ahung tun phat chuleh na kawmah hungkit ing ka ting, chun Sara’n chapa nei ina” a ti a.

1 KHANGTHUBU 21:16

Chun, David chun, Lalpa vânsâwlchâk, chemzâm zuk dawksa a Jerusalem chung zawna, lei leh van kikala ding chu a mu a. Khutichun, David leh upate chun saidippuon silh in, lei tuol ah a bawkkhup tau a.

2 LENGTE 5:1

Suria te sepaih lawiupa Naaman chu, Suria leng ngaihsan leh zah a kai a, a ziek chu, Lalpa’n Naaman manga Suria sepaihte chu gâl zawhna a piek sek ziekin. Sepaih hangsan tak a hi a, himahleh, phâk ahi.

1 LENGTE 18:39

Chun, mipite chengcheng in zie chuh a vak muh phet un, a khupbawk u a, “Lalpa chu Pathien ahi; Lalpa chu Pathien ahi,” a tiu a.

JOSHUA 5:14

Chun, amah chun, “Hilo e, Lalpa sepaihte lawiupa a hung ka hi zawi,” a ti a. Tichun Joshua chuh lei ah a khupbawk a, chibai a bûka, a kawmah, “Ka Lalpa’n a suok kawm ahin bang ahim gen ding a neih chuh?” a ti a.

DAN NIHNA 24:8

“Phâk hi chungchâng achun, Levi mi thiempute hun hilh dân chuh ngaikhawk taka zuia, a hun hilh dân tak u a hih dingin chingthei un; amau thu ka piek guola chingthei taka na hih dinguh ahi.

THIEMPUDANTE 9:24

Tichun, Lalpa ma apat chun mei a hung pawt a, hâlmang thillat leh maichâm chunga sathau um haw chuh a katum ta a; zie chuh, mipite chun a muh phet un, a kiko u a, maia lei si’n a khupbawk tau hi.

MARK 5:23

“Ka chanu neucha a thi vangvang a; a hung dam a, a hung hin dawk theihna dingin, hung a, a chunga na khut hung nga dingin ka hun ngên hi,” ti’n a ngên a.

2 LENGTE 7:3

Chun, kulh lutna kawtkhak bul ah phâk li a um u a; amau haw chun, “Bang dinga thih ngak maia chu zing ding I hiu hi?

2 LENGTE 5:27

Zieziekchun, Naaman phâk kha na chungah um in tin; kumlekhuo’n, na suonte le man zel ina,” a ti a. Tichun, a kawm apat chun, vuk banga vam a phâk in a chiehdawk ta a.

THIEMPUDANTE 13:16

Himahlele, a taksa dulh chu a hung dam kit a, a hung vam kit chun, thiempu kawmah chieh intin,

LUKE 5:13

Tichun, Isu’n amah chuh a vak bân a, a khawih a, “Ka nuom hi, a na thiengtho ta’n,” a ti a. Chun, phulo-halo in a phâk chuh a bei pai zieng ta a.