LUKE 4:43 - PATHIEN LEKHABU THIENGTHO (BSI)

⁴³ Himahlele, amah chun a kawm u ah, “Pathien Gam Chanchin Pha chuh khawpi dang ale ka gen ding ahi, zie dinga chuh sawl ka hi ngâl a,” a ti a.

LUKE 4:43 ပူးပေါင်းရင်းမြစ်များ

2 TIMOTHE 4:2

Thu chuh gen ah, a hun inle, a hun lo in le, bawl zel ah; lungnem taka sinsak kawmin a mawhnau hetsak inla, gai inla, tîlkhoh ah.

JOHAN 9:4

Sun a hih pet in ei sawlpa na I sep ding ahi; zan hi ding ei tai, zie tieng chuleh kuoma’n na sem thei ta puo’n au.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

JOHAN 20:21

Isu’n a kawm u ah, “Na chungu ah lungmuonna um hen. Pa’n ei sawl guolin ka sawl na hiu hi,” a ti kit a.

ISAI 48:16

“Tuhin ei hun naih unla, ka thugen hi zau in! Atûng apat khan langsal takin zie thu haw hi ka gen ta a, Ka thugente chuh ka suguitung zel sek hi,” ti’n. (Lalpa chun a thilhih theihna chuh ei pie a, ei sawl ta a.)

MATTHAI 4:23

Chun, Isu’n a kikhawpna In hawu a sinsak in, Gam chanchin pha chuh gen in, mite laka natna tin chenga na leh hatlohna tin cheng hihdam in, Galili gam chengcheng ah a vak viel a.

MARK 1:35

Chun, a zingkal kit ma takin, khawvak ma pek in Isu chuh a tho a, a pawtdawk a, gamthip mun khat ah a va chieh a tak achun a paucham ta a.