LUKE 4:41 - PATHIEN LEKHABU THIENGTHO (BSI)

⁴¹ Chuleh, thithate’n le, “Pathien Chapa na hii,” ti a kiko in mi tamtak sung apat in a hung pawt tau a. Isu’n thitha haw chuh a gai a, Krista ahi tih a het ziekun a pau dinguh a za nuom puoi.

LUKE 4:41 ပူးပေါင်းရင်းမြစ်များ

MATTHAI 26:63

Isu chuh la a thip kêi a. Ziephet chun, thiempu lienpen chun a kawmah, “Pathien Hing min a ka hun vau na hi, Krista, Pathien Chapa chuh na him? Kei uh nei hilh in,” a ti a.

MATTHAI 4:3

Chun, thempa chuh a hung a, a kawmah, “Pathien Chapa na hih leh zie suonghaw hi chângthâk suok dingin thu pie’n,” a ti a.

MATTHAI 8:16

Chun, nitâk lam a hung hih phetin, a kawmah thitha mat haw tamtak a hun pui u a; chun, a thu’n thitha haw chuh a nawhdawk a, damlo chengcheng a sudam a.

MATTHAI 8:29

Chun, ngai tie, amau chun, “Isu, nang Pathien chapa, nang leh kei u nih in banga kitihmatna I neih uh? a hun maa ei sugimthei dinga taka hi hung na him?” tin a kiko u a.

MATTHAI 8:4

Tichun, Isu’n a kawmah, “Kuomah hilh lo dingin chingthei ah; amahvang chuh chieh in la, thiempu kawmah va ki-etsak in la; Mosi’n thilpiek ding a tih haw kha va pie’n, mipite’n a hetchetna dingun,” a ti a.

MARK 1:25

Isu’n amah chuh a gai a, “Thip in la, a sung apat hung pawt ah,” a ti a.

MARK 1:32

Chun, nitâk lam a ni a tum nung in, damlo chengcheng leh, thitha mat haw a kawmah a hun pui u a.

MARK 1:34

Isu chun mi tamtak, natna chichuom chuom a nate chuh a hihdam a, thitha tamtak le a delh dawk a; thithate chun amah a het ziekun, a pau dinguh a za nuom puoi.

MARK 3:11

Thitha buokte’n le amah a muh tieng u leh, a ma ah a bawkkhup u a, “Nang, Pathien Chapa chuh na hi,” ti’n a kiko sek u a.

LUKE 4:39

Tichun, a chieh a, a kieng achun a dinga, khawsik chuh a gai a, tichun a hung pha ta a. Tichun, a hung tho dawk a, amau haw chuh a zenviel ta a.

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

JAKOB 2:19

Pathien chuh khat ahi tih, na ginchak a hi maw? na hih pha nai! thitha te’n le a gingchau a, a kithing sek uh a puo!