LUKE 4:23 - PATHIEN LEKHABU THIENGTHO (BSI)

²³ Chun, amah chun a kawm u ah, “Daktor, nangmah kihihdam ah, tih thuching hi hun gen tei un au. Chuleh, Kapernaum khuo a thil kihih na zak hawu hi, nangmah khawpi ngeia le hihin ei hun ti’n lau,” a ti a.

LUKE 4:23 ပူးပေါင်းရင်းမြစ်များ

MARK 6:1

Chun, Isu’n tak mun chuh nusieh in, amah gam lam achun a chieh kit ta a, a sinsakte’n a zui u a.

MATTHAI 4:13

Nazareth khuo nusieh in Kapernaum khuo a hung tunga, zie tak achun a um zing ta a; zie chuh Zebulun leh Naphtali huop sung dîl panga um ahi.

2 KORINTH 5:16

Zieziekchun, tu a thak hin, kei un vang, mihiemte etdan guolin kuomah vaihawm ta puo’ng kau. Mihiemte etdan guolin, Krista chuh na vaihawm sak ta mahleu hing le, tuhin chuh ka hih ta puou.

JOHAN 4:28

Tichun, numei chun a tuibel a taihsan a, khuo ah a chieh a, mi haw kawmah,

LUKE 6:42

Nangmah mita thing them lut chuh mu sam lo in, na suohpih kawmah, ‘Suohpih, na mita ninpa neucha lut chuh nei lâkdawk sak ah,’ bangti dana na tih theih ding? Nang migukhah, na mita thing them chuh ladawk masa’n la, khutichun, na suohpih mita buok neucha lâkdawk ding chuh kichien takin mu thei inla.

LUKE 4:16

Chun, a seiletna khuo Nazareth chuh a tung a; a hihdan ngeina guolin Chawlhni’n kikhawpna In ah a lut a, Pathien lehkhathu sim dingin a ding dawk a,

MATTHAI 13:54

Chun, a umna khaw lam chu a tung a. A kikhawpna In hawu a chun amau haw a sinsak ta a, khutichun mak a sa ten tau a, “Zie pa hin zie chitna leh zie thilmak hih theihna haw hi hâwi apat a a muh ahi?

MATTHAI 4:23

Chun, Isu’n a kikhawpna In hawu a sinsak in, Gam chanchin pha chuh gen in, mite laka natna tin chenga na leh hatlohna tin cheng hihdam in, Galili gam chengcheng ah a vak viel a.

LUKE 2:39

Chun, Lalpa dân guola thil chengcheng a hih zawh phet u chun, Galili gama, amau haw khuo Nazareth achun a kilehkit tau a.

LUKE 2:51

Khutichun, Isu chuh amau haw chu tawh, Nazareth khuo achun a chieh khawm tau a, a thu thuu in a um ta a. Chun, a nu chun thil cheng cheng chuh a lungthim in a vawp zing a.

LUKE 4:31

Chun, Galili gama khawpi khat Kapernaum achun a chieh a, chun Chawlhni’n mipite chuh a sinsak ta a.

LUKE 4:35

Chun, Isu’n a gai a, “Thip inla, a sung apat chuh hung pawt ah,” a ti a. Ziephet chun, thitha chun a masang u chun a hihpuk zet a, bangmah lawh lo in a sung apat chuh a pawt ta a.