LUKE 4:18 - PATHIEN LEKHABU THIENGTHO (BSI)

¹⁸ “Liengvaite kawma Chanchin Pha gen dinga nei guot ziekin, Lalpa Thagau chuh ka chungah a um; Amah chun salte kawma pawtna thu leh, Mitdûkte kawma mit vak neih kitna thu gen ding leh, Sukgimtheih thuokte pawtdawk sakna ding leh,

LUKE 4:18 ပူးပေါင်းရင်းမြစ်များ

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

2 KHANGTHUBU 34:27

na kisik a, ka masangah na kingainiem a, na puonte bawtthêk in, na kap ta a, na pauchamna ka he a,

SAM LEHKHABU THE PSALMS 102:20

Suongkul tâng haw tau git ngaitha ding leh, Thi dinga seh te chu zalen sak ding in;

SAM LEHKHABU THE PSALMS 147:3

Lungthim thasie te chuh a hih dama, A liemna teu chuh a tuom sak sek hi.

SAM LEHKHABU THE PSALMS 2:2

Lei chunga lengte a hel u a, vaihawmte chuh a kihokhawm u a, Lalpa leh a thaunuh chuh a kalh u a,

SAM LEHKHABU THE PSALMS 2:6

“Kei mah mawng in ka tâng thiengtho Zion achun, Ka leng siem chuh ka chut sak tai” a ti a.

SAM LEHKHABU THE PSALMS 34:18

Lalpa chuh lunggil a thasie te kawmah a nai seka, Lungthima kisik tapohte chuh a hukdam sek hi.

SAM LEHKHABU THE PSALMS 45:7

Diktatna chuh na deihchuom a, nunsietna chuh na haw a; Zieziekchun, Pathien, na Pathien chun, na lawite sanga nasa zawn Kipahna sathau a hun nuh ta hi.

SAM LEHKHABU THE PSALMS 51:17

Pathien pawmtâk kithawihna chuh thagau thasie hi ahi; Aw Pathien, lunggil thasie leh kisik tuntun hi musit puo’n la.

ISAI 32:3

Zie tieng chuleh, muh theih na mit neite chuh sukthim hi puo’n tin, chun, zakna dinga bil neite chun le ngaitha ta’n au.

ISAI 35:5

Zie tieng chuleh, mitdûkte chun mu thei tau untin; bengngawngte chun le za thei ta’n au.

ISAI 42:7

Mitdûkte mit sukvak sak ding leh; Suongkul tângte pawtsak ding leh, thimnuoi a chute puidawk ding in,

ISAI 45:13

Keimah ngêi in, thutak leh ka thiltup te subukim dingin Kura chuh ka chawktho a. A chiehna lam chengah pui lamzang ka ting; Ka khawpi chuh tungding kit intin, ka mi saltângte chuh hun thahdawk ding ahi. kuoma’n kipahman a pie puou a, a thilpiek le a pie diek puou hi,” ti’n Bangakai hihthei Lalpa chun a gen tai.

ISAI 49:9

Suongkultângte kawm achun, ‘Hung pawtdawk un!’ na tih a, thim laka umte kawm chun, ‘Vak ah hung dawk un’ na tih theih na dingin. Amau chun lampi vel chun nek ding kimuh un tin; tânggaw châk haw achun a kivakna dinguh hamhing um ina.

ISAI 50:4

Lalpa Pathien chun, hatlote chuh ka sukhat theihna dingin ka thugen dingte chuh ei sinsak a. Zingkal chengin ei phawng halh a, ka nakhang ahin ei suhalh seka, A sinsakna te chuh ka hethiem deuh deuh a.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

ISAI 59:21

Chun, amau haw tawh ka thugawlh ding chuh ziehi ahi: Ka thagau na chung u a um leh, ka thu na kam u a ka kawih chun na kam u chuh taihsan kihen la, na chateu kam le pawtsan puo’n au, na suonteu-suon sawn kitteu kam le tu apat kumlekhuo’n pawtsan diek kihen” Lalpa’n a tii.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

ZEPHANIA 3:12

Na sung apat in mi gimtheite leh sukgimtheih thuokte chuh hâwi ing ka ting, Lalpa ni achun kihumbitna hawl un au.

ZEKARIA 11:11

Khutichun, thugawlh chuh zie ni chun sukbeih ahi ta a. Tichun, belam chaw a, zuokte chun ei en u a, ka thilhih apat chun, Lalpa’n ka kawmah thu a gen hi tih chuh a he tau a.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

MATTHAI 11:5

mitdûkte a mit uh a vak ta a, kêngbâite le keng in a chieh tau in; phâkte a thieng tau, bengngawngten le khuo a za thei tau in; mithi haw le kaihthawh in a um tau a, chagahte kawma le Chanchin pha gen ahi tai.

MATTHAI 12:18

“Entie, keimah tel ngêi ka suok, Ka deih tak, a chunga ka lungkimna mah mah hi; A chungah ka thagau kawih ing ka ting, Tichun, Jentel te kawmah vaihawmna dik phuong ina.

MATTHAI 12:20

Zo dinga vaihawmna dik a sawl dawk masang sieh chuh Luong kihek gawp chuh hekbawng pai lo ding ahi, Phita chule sumit pai puo’n a.

MATTHAI 4:16

Thim nuoia chute chun vak lopitak a muu a; Thihna mun leh a lîma chute chunga chun vak a hung pawt tai!” ti a a gen kha a hung tun theihna dingin ahi.

MATTHAI 5:3

“Thagau lama tasam kisate chuh a hamphau hi; van gam amau a ahi ngâl a.

LUKE 4:17

Thiemgau Isai lehkhabu chuh a kawmah a pieu a. Tichun, lehkha ziel chuh a phel a, zie thu kizikna hi a sim a:

LUKE 6:20

Chun, a dâk dawk a, a sinsakte chuh a en a, a kawm u ah: “Nang haw gimtheite haw, na hamphau ui; Pathien gam chuh nanghaw a ahi ngâl a!

LUKE 7:22

Chun, Johan mi sawlte chuh a dâwng a, a kawm u ah, “Chieh kit tau inla, na thil muh teu leh zakteu cheng hi Johan va hilh un: mitdûkte chun khuo a mu thei tau a, kêngbâite le a chieh thei tau a; phâkte le sukthientho in a um tau a, bengngawngte’n le khuo a za thei tau a, mithite le kaihthawh in a um tau a, mi chagahte kawma le Chanchin Pha chuh gen ahi tai.

JOHAN 1:41

Amah chun, a masapen in amah suohpih Simon a mu a, a kawmah, “Messiah ka mu tau,” a ti a, (zie chuh Krista tihna ahi).

JOHAN 12:46

Kei hi khawvel salhvak dinga hung ka hi, kuole ei gingcha ta chuh thima a um zing lohna dingun.

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

NASEPTE 4:26

Khawvel lengte a kiguo sausau u a, Lawiupate le a kikhawm khawm u a, Lalpa leh Krista do ding chun,’ ti’n.

NASEPTE 4:27

Zie khawpi a hin, na Suok Thiengtho, na thau nuh Isu do ding chun, Herod leh Pontia Pilate tawh, Jentel te leh Israel mipite chuh, a kigawm khawm tak zet uh ahi.

KOLOSSA 1:13

Amah chun khuothim thilhih theihna apat chun ei hukdawk a, a Chapa deihtak gam ah ei puilut ta a;

JAKOB 2:5

Ka suohpih deihtakte, ngaitiem u, Pathien in zie khawvel thila chagahte hi, taksanna lama neizo ding leh, amah hehpihte kawma a gam tiem chuh luoh dinga a tel hilo a hi?

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.