LUKE 3:8 - PATHIEN LEKHABU THIENGTHO (BSI)

⁸ Khutichun, lunghei melpu kham in gah un. Abraham ei suonpa ahii ti’n, na lungthim un ngaihtuoh mai kiu in; Pathien in zie suonghaw hi Abraham suon in a suoh sak thei hi tih ka hun hilh na hiu hi.

LUKE 3:8 ပူးပေါင်းရင်းမြစ်များ

NEHEMIA 5:11

Tuni ngêi hin a loteu, a grep huonteu, olive huonte leh a inteu leh a sum uh leh a buhlebal leh uain leh sathau hawp za a hawp khat na lak sek u chuh pie kit vek un,” ka ti a.

EZEKIEL 33:24

“Mihing chapa Israel gama khawpi siesa nunga cheng haw chun, ‘Abraham khah ahih leh khat chauh a na hi a, gam chuh a na luoh a, himahleh eihaw I hih u leh tamtak I hiu a, luoh dinga gam chuh piek I hi tau hi,’ a tiu a.

MATTHAI 21:43

“Zie ziek tak chun, ‘Pathien gam chuh na kawm u apat a lâksak hi’n tin, a hung gah dawk ding nam khat kawma piek hi’n a,’ tih ka hun hilh na hiu hi.

MATTHAI 3:8

Na gitlohnateu na haihsan ui tih het theihna ding thilte chuh hih un.

MATTHAI 3:9

Abraham ei suonpau ahi tin kisuong kiu in; Pathien in zie suonghaw hile Abraham suon a suoh sak thei hi tih ka hun hilh na hiu hi.

LUKE 13:25

In neipa chuh hung tho intin, kawt chuh khâk intin: tichun, nang haw’n pawlama dingin kawtkhak na kiuh u a, ‘Lalpa. Lalpa, kawt ei hawn sak ah,’ na tih tieng u leh, ama’n hun dâwng intin, ‘Khawi lam mi na hih uh ka hun he kha puoi!’ ti’na.

LUKE 13:26

Zie tieng chu leh nang un, ‘Nang tawh le I neu in, I dâwn khawm u kha la! ka khawpiu ale na sinsak sek kha e!’ hun ti’n lau.

LUKE 14:9

tichun, na nih u a hun chiel pa chu hung intin, na kawmah, ‘Zie pa chutna ding hin awt ah,’ hung ti’n a. Khutichun, nang chu zakcha takin um in na tin, chutphah phalo pên ah chu kha’n la.

LUKE 19:40

Isu’n a dâwng a, “Ka hilh na hiu hi, ziete haw hi a thip u chun, suong chang bêk kiko dawk un au,” a ti a.

LUKE 19:9

Chun, Isu’n a kawmah, “Tuni hin zie In ahin hukdamna a tung tai, amah hile Abraham chapa ahi ngâl a.

LUKE 5:21

Ziephet chun, dân thuzikte leh Pharisaite chun, “Zie banga Pathien gensie hi kuo a hi die! Pathien ngâllo chuh kuo a gitloh ngaidam thei?” ti’n a ngaihtuoh u a.

JOHAN 8:33

Amau haw chun a kawmah “Abraham suonte ka hiu a puo! tu tiengin kuomah suok in ka um ngei puou hi, ‘Suok hun haihsak un au’ bangti tih a na tih ahi?” a tiu a.

JOHAN 8:39

Amau chun. “Ka pau chuh Abraham ahi,” ti’n a dâwng u a. Isu’n a dâwng a, “Abraham chate na hih tak tak u chun, Abraham thil hihte chuh na hih puoh ding u!

NASEPTE 26:20

Himahleh, a tûngin Damaska khuo a mite kawmah, zie nung chun, Jerusalem khuo a mite kawmah, chun, Judai gamtina mite kawm leh, Jentel te kawm nasan ale, lunghei min pu kham a thilhih a, lunghei a, Pathien lam a ngatna dingun, ka hilh zawk sek ahi.

ROME 4:16

Thutiem chuh ginna a kinga ahi a, zieziekchun, thutiem chuh Abraham leh a suonte dinga thil thawnpiek a ngaih ahi a, Dan thupiek zuite mai hilo in, Abraham guola ginchakna neite chengcheng dingin le a hung hi tai. Abraham chuh I bawn chau a dingin thagau lama I pau ahung hi tai.

ROME 9:7

Abraham suonte a hih ziekun le Pathien chate ahi suok diek puou hi. Pathien in Abraham kawmah, “Isak apat hin suon hun nei inla,” ti’n thu a tiem zaw hi.

PHILIPPI 1:11

Krista Ni a dinga chuh a tak tak leh sukkhelh bei na hih theihna dingun thil phapen chuh tel thei un lau.