LUKE 3:6 - PATHIEN LEKHABU THIENGTHO (BSI)

⁶ Tichun, mi chengcheng in Pathien hukdamna chuh mu’nau,” a tii tih zik guol khan.

LUKE 3:6 ပူးပေါင်းရင်းမြစ်များ

ISAI 40:5

Tichun, Lalpa lopina chuh suklat hi’n tin, mi chengcheng in zie chuh mu chiet un au; Lalpa kam ngêi in zie chuh a gen ta ngâl a,” a ti a.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

MARK 16:15

A kawm u ah, “Khawvel pumpi ah chieh un la, thilsiem tincheng kawmah Chanchin Pha gen un.

ROME 10:12

Juda leh Grik mite chuh bangmah chan a lamdang chuom puoh ngâl u a. Lalpa khat chuh abawn u a chunga Lalpa ahi a; amah samte cheng chung achun phatna a hau ngâl sek a.

ROME 10:18

“A hih leh, a bil un a za puou a ahi? Za e, a thawm u chuh leisiet chung cheng chenga chun a thang a, A thuu chuh vannuoi kil tin ah a thang suok tai.”