LUKE 3:16 - PATHIEN LEKHABU THIENGTHO (BSI)

¹⁶ Johan in a kawm u ah, “Ken chuh tui in ka hun baptist na hiu a, himahlele, kei sanga lopi zaw hung ding ahi. A kengtawbek khau phel hâwi le ka hi puoi. Amah chun Thagau Thiengtho leh meia hun baptist ding ahi.

LUKE 3:16 ပူးပေါင်းရင်းမြစ်များ

THUCHINGTE 1:23

Ka hun hilhgaihna hi ngaithau inla, kithu-hilhna pha chuh hun pie’ng ka ting, ka thu chuh nang haw hun hetsak ing ka.

ISAI 32:15

Himahleh, khatvei chuh, Pathien in a Thagau chuh hun sungtha kit intin, gam chulnung chuh lei pha hung chang kit intin, Lote chun gah hun suoh kit ina.

ISAI 4:4

Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

MATTHAI 3:11

Ken chuh na lunghei ui tih suklatna’n tui in ka hun baptist sek a, ka nunga hung ding pa hin chuh Thagau thiengtho leh mei in hun baptist ding ahi. Kei sangin a lopi zaw a, a kengtawbek khau phel hâwi le ka hi puoi.

MATTHAI 3:12

A khut in a leipuk a chawi a, a phuol zap thieng kei intin, buhpanga chun a buh khum in tin, a si vang chuh mei mittheilo in hâl tum ina,” a ti a.

JOHAN 1:26

Johan chun a kawm u ah, “Ken chuh tui in ka baptist sek, himahleh, na laku ah na het loh uh mi khat a um hi.

JOHAN 1:27

Amah chuh ka nunga hung ding pa chuh ahi, a kengtawbek khau phel hawi le kei puoi,” a ti a.

JOHAN 1:33

Amah chuh ka he nai diek puoh a, himahlele, tuia baptist dinga ei sawlpa khan ka kawmah, ‘Kuo chung hita leh, Thagau zu chu a, a chunga um zing na muh ta, amah chuh Thagau Thiengtho a baptist ding chuh hi’n a,’ ei ti a.

JOHAN 7:38

Kuole, ei gingcha chuh, Pathien lehkhabu gen guolin, hintui lui haw chuh a lunggil apat hung luong dawk ina,” a ti a.

NASEPTE 1:5

Johan khan tui in a baptist sek a, himahlele, ni sawtlo kâl in Thagau Thiengtho in baptistma chang unla,” ti’n.

NASEPTE 10:44

Chun, Peter in zie thu haw chuh a gen lai takin, thu ngaitha chengcheng te chung achun Thagau Thiengtho a hung tung ta a.

NASEPTE 2:33

Pathien khut changlam ah limbawl in a um ta a, Thagau Thiengtho tiem chuh Pa kawm apat a mu a, na muh u leh, na het u hi a hun sunthak ahi.

1 KORINTH 12:13

Zie tawbang mah chun, I bawn un, Judate ahim, Grikte ahim, suokte ahim, suok lo ahim, sapum khata um dingin Thagau khat mah ah baptist in I um u a; thagau khat mai ei dâwn sak chiet uh ahi.