LUKE 3:13 - PATHIEN LEKHABU THIENGTHO (BSI)

¹³ Amah chun a kawm u ah, “Dan in a hun phalsak khel chuh bangmah la kiu in,” a ti a.

LUKE 3:13 ပူးပေါင်းရင်းမြစ်များ

SAM LEHKHABU THE PSALMS 18:23

A masang achun gensiet bei ka hi a, Manlohna apat chun ka kivengpha sek a.

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

MIKA 6:8

Aw mihing, Lalpa’n thilpha chuh a hun hilh ta a. Lalpa’n a hun ngêk pên chuh ziehi ahi: Thil dik hih leh, lungsietna suklat zing leh, I Pathien u tawh kingainiem taka kipawlkhawm zing hi ahi.

MATTHAI 7:12

“Khutichun, thil bangakai mi’n na chung u a hih dinga na deih ding u chuh mi chunga le hih un; zie chuh Mosi dân thu leh thiemgaute thu ahi ngâl a.

LUKE 19:8

Chun, Zakai chuh a ding a, Lalpa kawmah, “Lalpa, ngaiin, ka neih kimkhat neilahte kawmah pie’ng ka ting, chun, kuo kawm hitaleh diklo taka ka na lepguk chuh, a zah li’n din ing ka,” a ti a.

LUKE 3:12

Chun, siehdawlte le baptistma chang dingin a hung u a, a kawmah, “Sinsakpa, kei un bang ka hih ding u leh?” a tiu a.

LUKE 3:14

Chun, sepaih ten le a kawmah, “Kei un le bang ka hih ding u leh?” a hung tiu a. Ama’n a kawm u ah, “Pawngbawl leh, diklo takin mi dangka la kiu inla, na lawh kham kham u a chun lung-awi un,” a ti a.

1 KORINTH 6:10

guchate ahim, mi huoihamte ahim, zukham nuomte ahim, mi gensiet hatte ahim, lepguk chîngte ahim chun Pathien gam luoh puo’n au.

EPHESI 4:28

Gucha chun gu ta kihen la; tasamte kawma piek ding a neih theih zawkna dingin, khuta thilpha sem in gim zaw he’n.

HEBRAI 12:1

Khutichun, eihaw vang, hetpih meipi nasa takte um kimvela um I hih ziek u hin, ei sukawlawk ta cheng leh, gitloh eimau a bek chak hi mu’n paih thai tingun, I masang uh a kitaihsiekna um ahin, thuokhat takin tai hitiu.