LUKE 3:11 - PATHIEN LEKHABU THIENGTHO (BSI)

¹¹ Amah chun a kawm u ah, “Kuole, puonâk nih nei ta chun a nei lote kawmah pie hen la, kuole, nek ding nei chun, khutibang mah chun hih hen,” ti’n a dâwng a.

LUKE 3:11 ပူးပေါင်းရင်းမြစ်များ

EZEKIEL 18:7

kuomah a pawngbawl loh a, bat neite thil kawih a piek kit zawk a, kuomah buluh lo a, gilkielte kawma nek ding a pieka, sangawn a umte puon a silh saka,

DANIEL 4:27

Zieziekchun, aw lengpa, ka thu hun hilh hi zawp inla, ngai inla, na gitlohnate haihsan inla, mi gimtheite chungah lungsietna latsak inla, tichun hinkhuo kiphathei takin um zing inla,” ti’n a dâwng a.

MATTHAI 25:40

Zie tieng chuleh Lalpen chun a kawm u ah, ‘Tihtakzet a ka hilh na hiu hi, Zie ka suohpih neupen te laka khat chunga na hih u chuh, kei chunga hih na hiu hi,’ ti’n hun dâwng ina.

LUKE 11:41

Khutichun, na khawn u leh na kuong sungteu a um chuh mi chagahte kawmah pieu in, tichun, thil bangkim chuh nang haw adi’n thiengtho ding ahi.

LUKE 18:22

Isu’n zie chuh a zak phetin, a kawmah, “Tuhin, thil khat na vat nalai hi; na neih chengcheng khawng inla, neilahte kawmah hawm ah, tichun, van ah go nei inla; chun, hung inla, ei zui ah,” a ti a.

LUKE 19:8

Chun, Zakai chuh a ding a, Lalpa kawmah, “Lalpa, ngaiin, ka neih kimkhat neilahte kawmah pie’ng ka ting, chun, kuo kawm hitaleh diklo taka ka na lepguk chuh, a zah li’n din ing ka,” a ti a.

JOHAN 13:29

Sinsakte khenkhat chun, Juda chun dangka a vawp zieka, Kut na a dinga thil sinmawh cheng va chaw’n ti hoh ahim, Mi gimtheite kawma bang ahim khat piek ding gen hoh ahim, a tiu a.

NASEPTE 10:2

Pathien khawksak mi ahi a, amah leh a inkawte chuh Pathien lau mi ahiu hi. Mi gimtheite kawmah thil tamtak a pie sek a, Pathien kawmah a paucham zing sek hi.

NASEPTE 10:31

ka kawmah, ‘Kornelias, na pauchamna khah zak in a um tai, mi kawma na thil piek haw khale, Pathien in a hezing hi.

NASEPTE 10:4

Kornelias chun amah chuh lau takin a en a, “Lalpa, bang ahi?” a ti a. Amah chun a kawmah, “Na pauchamna haw leh na thilpiek thu haw khah, hetzing dingin Pathien ma ah a tung to ta a.

EPHESI 4:28

Gucha chun gu ta kihen la; tasamte kawma piek ding a neih theih zawkna dingin, khuta thilpha sem in gim zaw he’n.

1 TIMOTHE 6:17

Zie tulai hinkhuo a neizote hi, kiletsak lo ding leh, sum muon-umlo ahin a kinepnau ngalo a, thil chengcheng, I kipahna ding u a ei piepa Pathien chunga chuh nga zaw dingin hilh ah.

1 TIMOTHE 6:18

Thilpha hih a, thilpha hih lama hausa ding leh, thil phal a, mi dangte kêp zaw dingin thu pie zaw’n.

HEBRAI 6:10

Na nasep u leh, a min zieka hehpihna na latsak sek uh, mithiengthote na zenvielnau, tu tieng a le na hih zing uh chuh hengilh dingin Pathien chuh mi diktatlo a hi puoh ngâl a.

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

JAKOB 2:14

Ka suohpihte haw, mi’n, “Taksanna ka nei hi,” ti mah lele, thilhih a neih loh ngâl chun, bang phatsakna a? Khutibang taksanna chun amah a hukdam thei hi?

1 JOHAN 3:17

Kuole, mi hausa khatin, a suohpih tasam in mu hen la; a suohpih chuh lainat ta kileh, bangti’n Pathien ka hehpih hi a ti thei die?

1 JOHAN 4:20

Mi’n, “Pathien ka hehpih ie,” ti’n, a suohpih haw leh, amah chuh lepchieh ahi. A suohpih, a muh sa zing bawn a hehpih loh chun, Pathien a muh khâk loh pa chuh bangti’n a a hehpih theih ding?