LUKE 24:44 - PATHIEN LEKHABU THIENGTHO (BSI)

⁴⁴ Ziephet chun, a kawm u ah, “Ziehaw hi, na kawm u a ka um lai ngeia ka thugen, Mosi dân ale, thiemgaute lehkhabu ale, Pahchakna Labu ale, ka chanchin kizikte cheng kha, hung guitung ding ahi, ka tih khah ahi,” a ti a.

LUKE 24:44 ပူးပေါင်းရင်းမြစ်များ

ZEKARIA 12:10

Chun, David inkawte chung leh Jerusalem a chêngte chung achun lungsietna leh ngetna thagau sungtha’ng ka ting, chun, a sut pau hi hun en un tin, tichun, mi’n a chapa neihsun a sun bangin sun un tin; mi’n cha lutîl chunga a thuok bangin thuok un au.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

NASEPTE 13:33

Khati a Pathien in Isu a kaihthawh khan I chateu kawm ahin ziehaw chuh a hun muolsuoh ahii. Sam nihna ah: ‘Ka Chapa na hi; tuni hin ka hun hin na hi,’ tih zik guol khan.

LUKE 9:22

Chun, a kawm u achun, “Mihiem Chapa hin nasatak in thuok intin, upate, thiempu liente leh dân sinsakte deih loh in um intin, thah a um ding ahi a, ni thum ni leh kaihthawh a um ding ahi,” ti’n a gen a.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.

HEBRAI 10:1

Dan thu chuh, tunung a thilpha hung um dingte lim banga um chauh ahi a, a tak a hih loh ziek chun, kum chenga a kithawihna ngei mah uh a a kithawihnau chun, Pathien kawma hungte chuh subukim thei diek puo’n a.

JOHAN 5:46

Mosi na ginchak tak zet u chun, keile ei gingcha ding na hiu a; amah chun keimah chanchin a zik ahi ngâl a.

ZEKARIA 6:12

Chun, a kawma chun, Bangkim hihthei Lalpa chun hiti hin a tii: ‘Ngaitie, mi, a min Abak kiti chuh a uma; a mun apat in hung khang dawk intin, Lalpa Ho-In chuh hun sa’n a.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

ISAI 28:16

Zieziekchun, Lalpa Pathien chun, “Ngaitiem u, Zion achun a ning a suong lul tak leh to tak ka lem hi, a ning achun suong detdo tak ka kawih a, a chung achun, ‘Amah gingcha taphawt chuh muolpho puo’n au,’ tih kizik chuh.

SAM LEHKHABU THE PSALMS 118:22

In sate suong deih loh khah a ning a suong phachuom pên ana hi tai.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

EZEKIEL 34:23

Chun, a chung u ah belampu khat kawih ing ka ting, ka suok David ngêi chuh; amah chun amau chuh vak intin, amau chingpa hi’n tin, amau chuh vak ina.

ISAI 52:13

Ngaitie, “Ka suokpa chun chingthei takin hih intin; amah chuh nasa taka limbawl leh chawihsân in um in tin, sang taka hung um ding ahi.

THILSIEMBUL 22:18

Ka thu na awih tâk ziekin na suonte achun khawvel a namtin vangsak in um in au tih kei ngêi kipautiem in ka gen tai, Lalpa’n a tii” a vak ti a.

HEBRAI 9:8

Zie thil haw kiguon dân chuh, Puon-In tuohtil a nasepna chuh a din lai chengin, Mun Thiengthopen lampi chuh a kilang tadih puoi, tih Thagau Thiengtho in kichien takin a gen a.

JOHAN 5:39

Pathien Lehkha thu na sim gunchuh sek ui. A sung ah kumkhuo hinna um ina tih na ginchak ziekun. Zie lehkha thu haw chuh ka chanchin hetsak pên chuh a hi ngâl a.

ZEKARIA 14:4

Chun, zie ni chuleh, suohlam a Jerusalem hun dawh olive tâng a chun ding intin, Chun, olive tâng chuh phel nih kisuoh in, suohlam apat a tumlam zuonin a lai tak ah kiphelsuoh intin, guom nasatak um ina. Tichun, tâng kimkhat chuh mâllam ah kichawn intin, a kimkhat chuh simlam ah kichawn ina.

DANIEL 7:13

Zan a kilâkna hung um achun, mi khat, mihing mel tawbang pu hi ka mu a. Meipi ûmkimvel in, kei lam hun zuonin ka mu a, himahleh amah chuh kumlekhuo a hing zing pa lam achun a chieh a, a kawmah a va um ta a.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

EZEKIEL 17:22

Lalpa Pathien chun hiti hin a tii: “Sidar sang tak zikpi nah dâwng chuh kei ngêi hin lang ka ting, phut ing ka; A zikpi pên zik dâwng chuh thiek ing ka ting, Tang sang kichawi tak ah phut ing ka.

JEREMIA 23:5

“Ngaitiem u! David dinga bâk diktak ka seldawk sak hun ding chuh hungtung ding ahi, tih hi Lalpa kamsuok ahi. Amah chuh leng in chu’n tin, chingthei takin hih ina. Chuleh, gamsung ah dikna leh kitûpna um sak ina.

KISIMNA 35:25

Chun, kipunkhawmte chun tuolthatpa chuh thisan phubalapa apat chun hukdawk untin, kikhawmkhawmte chun a taihlutna, bitna khawpi achun umsak kit untin, sathau thiengtho kinuh thiempu lien a thih ma cheng chun zie tak a chuh a um ding ahi.

KISIMNA 21:8

Chun Lalpa’n Mosi kawmah, “Gûl gu na chi lim sumeng in siem inla, khuom ah khâi inla; gûl chuk taphawt chun en un tin, dam un au,” a ti a.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

JOHAN 3:14

Chun, Mosi’n thaleka dâkgûl a khaih kâng guol khan, Mihiem Chapa hile khaihkang a um ding ahi:

LUKE 24:46

a kawm u ah, “Zie tawbanga hi zik ahii: ‘Krista chun dahum thuok intin, ni thum ni’n mithi lak apat thokit intin,

JEREMIA 33:14

Ngaitie, a ni a hung tung hi, Lalpa’n a tii; “Israel inkuonte chung châng leh Juda inkuonte chungchâng a thilpha bawl dinga ka tiem sa chuh tunsak ing ka.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

THILSIEMBUL 14:18

Chun, Salem leng Melkisedek, Pathien Chungnung pên Thiempu chun Abram kawm achun chângthâk leh uain a hun chawi a.

HEBRAI 7:1

Melkisedek chuh, Salem lengpa, Chungnung pên Pathien Thiempu ahi. Abraham chuh leng lite that zo a, a hung vaihkit lai chun, Melkisedek chun ana lamtuoh in, a na vangsak hi.

HEBRAI 3:5

Chun, tunung a Pathien in thu a gen ding haw chuh gen dawkin, Mosi chuh Pathien inkawte laka zenviela pang taksanum tak a hung hi tai.

NASEPTE 7:37

Zie Mosi chuh ahi, Israel suonte kawma, ‘Pathien in keimah ei siem guolin, na suohpihteu laka mi ngêi, thiemgau hun siem sak ina,’ ti pa khah.

LUKE 22:37

Ka hilh na hiu hi, Amah chuh mi gilote lak ah a simtel tau hi ti a, Pathien lehkha thu a ka chungchâng thu zik kha ka chunga hungtung ding ahi; ka chungchâng thu kizikte kha hungtung kim ding a hi tai,” a ti a.

LUKE 21:22

Zie nihaw chuh ‘Phuba lak ni’ hi ding ahi, Pathien lehkhathu a kizik chengcheng a tunkimna dingin.

LUKE 9:44

“Tu a ka thu hun hilh ding hi hengilh hiel kiu in! Mihiem Chapa hi mihiemte khuta matsak a um ding ahi,” a ti a.

MATTHAI 26:56

Himahlele, thiemgaute lehkha thu haw chuh a hung tun kim theihna dingin ziehaw chengcheng hi hung um ahi ta hi,” a ti a. Ziephet chun, sinsakte cheng chun amah chuh a taihsan u a, a tai mang tau a.

MATTHAI 26:54

Himahlele, ngên ta leng, bangti’n a, Pathien lehkha thu hiti banga hung um ding hi a tun theih ding?” a ti a.

MATTHAI 16:21

Zie a kipat chun Isu’n Jerusalem khuo a a chieh dân ding haw, upate, Thiempuliente leh Danthuzikte laka thil tamtak a thuok zie ding haw, thah a a umzie ding haw, ni thum ni a kaihthawha a um zie ding haw chuh a sinsakte a hetsak pan ta a.

AMOS 9:11

Lalpa, zie thil hihpa hin hiti hin a tii, “Zie ni chuleh, David lalgam chimsa chuh tungding ka ting, a sietna te chuh thuop pha’ng ka ting; a siete chuh lemto ka ting, malaia a um bang mah khan sapha kit ing ka.

1 PETER 1:11

Zie hun chuh bangtik a hi dem, tih leh bangti’n a a hungtun ding, ti’n hah takin a na sut sek uh ahi. Zie chuh, Krista Thagau amau a um chun, Krista thuokna ding haw leh, zie nunga lopina hung um ding haw kawka a genlawk lai u khah ahi.

NASEPTE 3:18

Malai pek a kipatin, Pathien in a thiemgaute mang in, Krista’n dahum a thuok ding thu a na genlawk ta a, zie guol hin a hun tun sak ahi tai.

MARK 9:31

A sinsakte chuh thu a hilh a: “Mihiem Chapa hi mite khuta matsak in um intin; sulum un tin, tichun, a suklup nung uh ni thum ni leh thokit ina,” a ti a.

MATTHAI 1:22

Ziehaw chengcheng hi Lalpa’n a thiemgau manga a gen kha a hung guitun theihna dinga um ahi.

NASEPTE 2:27

Na mi thiengtho thâna a muot mang phal puo’n na tin, Zieziekchun, ka pheh le kinem takin um ina.

NASEPTE 13:40

Zieziekchun, chingthei un, khutilochun thiemgaute lehkhabu a a gen u khah na chungu ah hung tung kha’na: