LUKE 24:30 - PATHIEN LEKHABU THIENGTHO (BSI)

³⁰ Tichun, an ne dingin a kawm u achun a chu a, chângthâk a la a, kipahthu a gen a; chângthâk chuh a hekphel a, a kawm u ah a pie a.

LUKE 24:30 ပူးပေါင်းရင်းမြစ်များ

MATTHAI 14:19

Tichun mipi haw chu hampa chunga chu dingin thu a pie a; chun, chângthâk pêk nga leh nga nih chu a la a, van lam en in, a vangsak a. A phelsuoh a, chângthâk haw chu sinsakte kawmah a pie a, chun, sinsakte chun mipi haw kawmah a pieu a.

LUKE 24:35

Zie mi nih te chun le, lampi a thil umdan leh, chângthâk a phelsuoh a, a mel a na het tâk zieu thu haw chuh a genchien tau a.

LUKE 9:16

Isu’n chângthâk pêk nga leh, nga nih chuh a la a, van lam en in, vang a pie a; a hekphel a, tichun, mipite kawma hawp dingin sinsakte kawm achun a pie a.

MATTHAI 15:36

Tichun chângthâk pêk sagih leh ngasi haw chu a la a, kipahthu a gen a; a phelsuoh a, sinsakte kawmah a pie a, chun, sinsakte chun mipite kawmah a pieu a.

NASEPTE 27:35

Chun, zie thu chuh a gen zawhin, chângthâk a la a, mi chengcheng masanga chun Pathien kawmah kipahthu a gen a, a phelsuoh a, tichun, a ne pan tau a.

JOHAN 6:11

Tichun, Isu’n chângthâk chuh a la a, a vangsaka, kipahthu a gen a, sinsakte kawm achun pie, sinsakte chun mipi tuola chute kawma chun a hawmzak tau a. Khutibang mah chun ngahaw chule a hih a, a deih khawp set chiet un a hawm tau a.

LUKE 22:19

Chun, chângthâk a la a, kipah thu a gen zawhin a phelsuoh a, a kawm u ah a pie a, “Ziehi ka sapum, na sik u a piek ding chuh ahi, nei hetzingnau in zie hi hih sek un,” a ti a.

MARK 14:22

Chun, a nek lai un Isu’n chângthâk a laa, vang a pie a, a phelsuoh a, a kawm u ah a pie a, “Lau inla, neu, ziehi ka sapum ahi,” a ti a.

MARK 8:6

Ziephet chun, mipite chuh tuola chuh dingin thu a pie a; chângthâk pêk sagih chuh a la a, kipahthu a gen zawhin, a hekphel a, a masang uh a luih dingin a sinsakte kawmah a pie a; amau chun mipite masang achun a lui tau a.

MARK 6:41

Tichun, Isu’n chângthâk pêk nga leh nga nih chuh a la a, van lam en in vang a pie a chângthâk pekhaw chuh a hekphel a, a mau a luih dingin sinsakte kawm achun a pie a; nga nih chule a bawn u a lak ah a hawm zak a.

MATTHAI 26:26

Chun, a nek lai un Isu’n chângthâk a la a, vang a pie a, a hekphel a, sinsakte kawmah a pie a, “Lau inla, neu in; ziehi ka sapum ahii,” a ti a.

LUKE 24:29

himahleh, amau chun a thoh u a, “Kei u kawmah um ah, vai le a vaigei ta a; nisa le tum ding ei ta hi,” a tiu a. Khutichun, amau kawma um ding chun a chieh ta a.

NASEPTE 2:42

Amau haw chun a hunteu chuh, sawlchakte kawma thu zilna’n a mang u a, kivawp khawm in, chângthâk phelsuoh in, paucham in, phachuomngai takin a um zing u a.

NASEPTE 2:46

Chun, ni chengin, lungthim munkhat in Pathien Ho-In a chun phachuomngai takin a um sek u a; a In lam hawu ale chângthâk phelsuoh in, lawp tak leh lungkim takin a an uh a ne sek u a.