LUKE 24:28 - PATHIEN LEKHABU THIENGTHO (BSI)

²⁸ A chiehna dinguh khuo a hun naih phet u chun, Isu chuh gamla deuh a chieh guo bangin a um a;

LUKE 24:28 ပူးပေါင်းရင်းမြစ်များ

MARK 6:48

Chun, huih in a hilo lama a hah mût ziekin, sinsakte’n a kuong zap u chuh a muh in lungzîng in a he a; tichun, thingzangvak vel dingin dîl chunga kenga chieh in amau haw umna lam a hun zuon a, amau haw chuh makhelh guo’n a heu a.

THILSIEMBUL 42:7

Joseph in a suohpihte chuh a muhin a hezing nalai a, himahleh helo guol takin a hopih a, khauh tak in a kawm u ah, “Khawia pata hung na hiu em?” a ti a Amau chun, “Kanaan gam apat a buh chaw dinga hung ka hiu hi,” a tiu a.

THILSIEMBUL 32:26

Chun, amah chun, “Ei thah ah, phalvak hi ding ahi tai,” a ti a. Jakob chun, “Nei vangsak loh leh hun thah puo’ng ka,” a ti a.

THILSIEMBUL 19:2

A kawm u achun, “Pute haw, lungsiet takin na suok pau In ahin hunglut un, na keng uh sil unla, tichun, zingkal mataka tho in chieh zawm zel na’n lau” a ti a.Himahlele, amau chun, “Hilo e, khawlai ahin giek zaw’ng kau,” a tiu a.

LUKE 24:29

himahleh, amau chun a thoh u a, “Kei u kawmah um ah, vai le a vaigei ta a; nisa le tum ding ei ta hi,” a tiu a. Khutichun, amau kawma um ding chun a chieh ta a.