LUKE 24:27 - PATHIEN LEKHABU THIENGTHO (BSI)

²⁷ Tichun, Isu chun, Mosi leh thiemgaute lehkha ah a pan a, Pathien lehkha thu a amah chanchin kizik chuh amau haw a hilh chien ta a.

LUKE 24:27 ပူးပေါင်းရင်းမြစ်များ

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

LUKE 24:44

Ziephet chun, a kawm u ah, “Ziehaw hi, na kawm u a ka um lai ngeia ka thugen, Mosi dân ale, thiemgaute lehkhabu ale, Pahchakna Labu ale, ka chanchin kizikte cheng kha, hung guitung ding ahi, ka tih khah ahi,” a ti a.

DAN NIHNA 18:15

Lalpa na Pathien un na lak u apat ngêi in kei tawbang thiemgau hun siem sak intin; a thu chuh na ngaihkhawk dinguh ahi;

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

NASEPTE 10:43

Kuole, amah gingcha ta, a min ziekin gitlohnate ngaihdam in um un au tih, thiemgau chengcheng in a chanchin a hetsak sek u khah,” a ti a.

JOHAN 5:39

Pathien Lehkha thu na sim gunchuh sek ui. A sung ah kumkhuo hinna um ina tih na ginchak ziekun. Zie lehkha thu haw chuh ka chanchin hetsak pên chuh a hi ngâl a.

JOHAN 1:45

Philip chun Nathanael a mu a, a kawmah, “A chanchin, Mosi’n Dan lehkhabu a a zik leh, Thiemgaute’n a zik u kha, amah chuh ka mu tau, Nazareth Isu, Joseph chapa chuh,” a ti a.

THILSIEMBUL 22:18

Ka thu na awih tâk ziekin na suonte achun khawvel a namtin vangsak in um in au tih kei ngêi kipautiem in ka gen tai, Lalpa’n a tii” a vak ti a.

ISAI 50:6

Ei zêpte kawm achun ka tingzang ka dawh a, ei sukzahchak lai u leh, ka sam ei lawih pulh sak lai un le, ka maichang a chil ei sietkhum lai un le bangmah ka gen diek puoi.

LUKE 24:25

Ziephet chun, ama’n a kawm u ah, “Aw mingawlte haw! Thiemgaute thugen gingcha dinga ngawngte haw!

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

MIKA 7:20

Malaia ka pileputeu kawma na tiem guol khan Jakob kawm achun na ginumna sulang in na tin, Abraham kawm achun na zahngaihna sulang ding na hi ngâla.

DANIEL 7:13

Zan a kilâkna hung um achun, mi khat, mihing mel tawbang pu hi ka mu a. Meipi ûmkimvel in, kei lam hun zuonin ka mu a, himahleh amah chuh kumlekhuo a hing zing pa lam achun a chieh a, a kawmah a va um ta a.

SAM LEHKHABU THE PSALMS 132:11

Lalpa chun David kawmah a kihâksiel ta a; Zie chuh kilehheisan puo’n a: “Na chapate laka khat na lalchutphah a chun chut sak ing ka.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

THILSIEMBUL 26:4

Chun, van a aksi zah in na suonte chuh hun supung ing ka ting, zie gam chengcheng hile na suonte pie’ng ka.Chun, na suonte apat chun khawvel a namtin vangsak in hung um in au.

NASEPTE 7:37

Zie Mosi chuh ahi, Israel suonte kawma, ‘Pathien in keimah ei siem guolin, na suohpihteu laka mi ngêi, thiemgau hun siem sak ina,’ ti pa khah.

EZEKIEL 34:23

Chun, a chung u ah belampu khat kawih ing ka ting, ka suok David ngêi chuh; amah chun amau chuh vak intin, amau chingpa hi’n tin, amau chuh vak ina.

EZEKIEL 37:25

Na pileputeu ana chênna. ka suok Jakob kawma ka piek gam achun cheng intin un: zie tak achun kumkhuo’n cheng un tin, amau leh a chateu, a chateu chate le: ka suok David chuh kumkhuo’n a leng uh hizing ta’n a.

NASEPTE 3:24

Ahi, Samuel um apat thiemgau chengcheng leh a nunga mite tawh, thugen chengcheng khan tulai chanchin hi a na genlawk sek uh ahi.

NASEPTE 3:22

Mosi ngêi in, ‘Lalpa na Pathien un, kei ei sawl guol hin, nang haw lak ngeia mi, thiemgau khat hun sawl sak ina. Amah chun, na kawm u a a thugen cheng chuh ngaihthak sak unlau.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.

THILSIEMBUL 12:3

Nang hun vangsakte chuh vangsak ing ka ting, hansie hun lawh ta chuh hansie lawh ing ka: chun, nang achun lei a nam cheng hi vangsak in um in au,” a ti a.

KISIMNA 21:14

Zieziekchun Lalpa galdona bu achun, “Vaheb khawpi Supha a um, leh Arnon luiguom te,

DAN NIHNA 1:45

Chun, na hung vaikit u a, Lalpa ma achun na kap u a, ahih ziekin, Lalpa chun na awu chuh a ngaitha nuom puoh a, a bil le nang u lam ah a dawh nuom ta puoh a.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

ISAI 8:17

Lalpa chuh a mite lak apat in a kisel a, mahleh, ka ginna chuh amah ah ka nga a, amah achun kinem zing ing ka.

ISAI 9:1

Himahlele, lungzîng a umte ding chun nguina himhim um ta puo’n a. Malai chun Zebulun leh Naphtali gam chuh muhsit um in a um sek a, himahlele, hun nunung a chun tuipi a lampite chuh lopi takin umsak intin, dîl pang ah, Jordan gal ah, Galili gama gamdang mite natieng in chawisâng in au.

MIKA 5:6

Asuria gam chuh chemzâm in susieu intin, Nimrod gam chule a lutna achun susie’n au. Amah chun I gam u a Asuria mi ahung a, I gam giu ahun tawh tieng leh, amah apat chun ei hukdawk ina.

MARK 4:34

Himahlele, tehkal thu mang lo in vang, a kawm u ah thu a gen ngei puoi; amau haw chauha a um tieng u leh, a sinsakte chuh bang cheng a hilhchien sek hi.

JOHAN 5:37

Pa, ei sawlpa ngêi chun le, ka chanchin a hetsak tai. Nang haw’n bangmah tikin a aw na za kha puou a, a mel le na mu kha puou hi.

JOHAN 12:41

Isai in a lopi zie a muh leh a chanchin a gen ziekin ziehaw chuh a gen ahi.

NASEPTE 3:18

Malai pek a kipatin, Pathien in a thiemgaute mang in, Krista’n dahum a thuok ding thu a na genlawk ta a, zie guol hin a hun tun sak ahi tai.

NASEPTE 8:35

Philip chun a gen pan a, zie Pathien lehkha thu chuh a bul ah a pan a, Isu chanchin chuh a kawmah a gen ta a.