LUKE 24:26 - PATHIEN LEKHABU THIENGTHO (BSI)

²⁶ Krista chun zie thil haw chuh thuok a, lopina a lut ding him hilo ahim?” a ti a.

LUKE 24:26 ပူးပေါင်းရင်းမြစ်များ

THILSIEMBUL 22:6

Tichun, Abraham chun hâlmang thilpiekna ding thing chuh a la a, a chapa Isak chuh a put saka; amah chun mei leh chemcha a chawia, khutichun a nih u chun a chieh tau hi.

DANIEL 9:26

Zie hun chuh a hung tâwp tieng leh, Pathien tel ngêi leng chuh diklo taka thah in um in a. Leng dang thil hihthei tak sepaihte chun hun do untin, khawpi leh Jerusalem chuh suksiet in um in a. A tawpna chuh tuilien bangin hung intin; Pathien in a guonggalhsa, kidona leh sietna chuh hungtung in a.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

LUKE 24:44

Ziephet chun, a kawm u ah, “Ziehaw hi, na kawm u a ka um lai ngeia ka thugen, Mosi dân ale, thiemgaute lehkhabu ale, Pahchakna Labu ale, ka chanchin kizikte cheng kha, hung guitung ding ahi, ka tih khah ahi,” a ti a.

LUKE 24:46

a kawm u ah, “Zie tawbanga hi zik ahii: ‘Krista chun dahum thuok intin, ni thum ni’n mithi lak apat thokit intin,

LUKE 24:7

Mihiem Chapa hi mi gilote khut ah matsak in um intin, khetdên in um intin, ni thum ni leh tho kit ina,” a tih khah.

JOHAN 2:22

Zieziekchun, mithi lak apat a thawh kitin, zie thu chuh a na gen tai tih, a sinsakte’n a he kit tau a; tichun, Pathien lehkha thu leh Isu thugen chuh a gingcha tau hi.

JOHAN 20:9

Thâna kipat tho kit tei ding a hi tih, Pathien Lehkha Thu kha, a he thiem nai diek puou hi.

NASEPTE 17:3

Krista chuh dahum thuok ding him a hih ziete chuh sulang in a hilhchien sek a, “Zie Isu, a thu nang haw ka hun hilh sek hi, amah hi Krista chuh ahi,” le a ti sek a.

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

1 PETER 1:11

Zie hun chuh bangtik a hi dem, tih leh bangti’n a a hungtun ding, ti’n hah takin a na sut sek uh ahi. Zie chuh, Krista Thagau amau a um chun, Krista thuokna ding haw leh, zie nunga lopina hung um ding haw kawka a genlawk lai u khah ahi.

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.