LUKE 23:4 - PATHIEN LEKHABU THIENGTHO (BSI)

⁴ Ziephet chun, Pilate in thiempu liente leh mipite kawm achun, “Zie pa chunga hin bangmah a gitlohna ka mu puoi,” a ti a.

LUKE 23:4 ပူးပေါင်းရင်းမြစ်များ

JOHAN 18:38

Pilate in a kawmah, “Thutak chuh bang ahi?” a ti a. Zie thu chuh a gen zawh phetin Pilate chuh Judate kawma chun a va pawt kit a, a kawm u ah, “Mawhchansakna ding bangmah a gitlohna ka mu puoi.

1 PETER 2:22

Amah chun thil a sukhiel puoh a, a kama le lepchieh thu a pawt ngêi diek puoi.

1 PETER 1:19

belamno melhemlo leh buok beklo thisan guola, Krista thisan lul a tat na hi zawu hi tih, na he ngâl uh a.

LUKE 23:22

Chun a thum veina ah, a kawm u ah, “Bang ziekin em? Zie pa hin banga a hih khelh? Thihna kham hiel a chungah bangmah ka mu puoi; zêp ing ka ting, thahdawk mai ding ka hi,” a ti a.

MARK 15:14

Ziephet chun, Pilate in a kawm u ah, “Bang ziekin em, banga a hihkhelh?” a ti a. Tichun, “Kross ah khêndên ah,” ti’n a hah kiko zaw diek u a.

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

HEBRAI 7:26

Khutichun, Thiempu Lienpen, mi thiengtho, zumlezuol tuoh lo, nin beklo, mi gilote apat a kikawih chuom; vante haw chunglama um, I mamawhteu cheng ei hihsakpa chuh ahi.

MATTHAI 27:19

Zie ban achun, Pilate chuh vaihawmna chutphah a a chut lai in, a zi’n, “Zie mawhna nei lo hiel chunga khan chuh bangmah hih kih; tuzan khan amah ziekin mang lam in thil tamtak ka thuok hi,” ti’n a vaithak behlap a.

NASEPTE 3:13

Abraham te, Isak te, Jakob te Pathien, ei suonteu Pathien chun, a suok Isu hi a limbawl ahi ta hi. Amah chuh na matsak u a, Pilate in thahdawk a guot nasan inle, a masang ngêi ah na deih loh uh ahi kha.

NASEPTE 25:25

Himahlele, thihna kham hielin bangmah a hih puoi tih ka mudawk a; chun, amah mah in, lalpen kawma tut a guot ziekin sawl ka guot ahi.