LUKE 23:33 - PATHIEN LEKHABU THIENGTHO (BSI)

³³ Tichun, “Kalvari,” a tih uh chuh a tun phet un, tak achun, kross ah a khêndên u a, mi gilote tawh, a changlam ah, khat a veilam ah khat a kilhden u a.

LUKE 23:33 ပူးပေါင်းရင်းမြစ်များ

1 PETER 2:24

Gitloh lama thi a, diktatna lama I hin theihna dingun, Krista mawng chun kross lêk a khan a sapum in I gitlohna hawu a puo a, amah kizêpna kigawlh haw chun sukdam in na um tau hi.

JOHAN 18:32

(Isu’n a thih dân ding thu a gen banga kha a hung tunna dingin ziehaw huh hung um ahi.)

ZEKARIA 12:10

Chun, David inkawte chung leh Jerusalem a chêngte chung achun lungsietna leh ngetna thagau sungtha’ng ka ting, chun, a sut pau hi hun en un tin, tichun, mi’n a chapa neihsun a sun bangin sun un tin; mi’n cha lutîl chunga a thuok bangin thuok un au.

DAN NIHNA 21:23

A luong chuh thing lêka a zan gieh ding ahi puoh a, zie ni ngeia chuh na vuih dinguh ahi; thinga kikhai taphawt chuh Pathien gausap chang ahi ngâla; Lalpa na Pathien un luoh dinga a hun piek gam chuh na sukbuok lohna dingun.

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

NASEPTE 13:29

Chun, a chungchâng thu, thiemgaute’n a zik lawk chengcheng u khah a muolsuoh zawhin, kross apat chuh a la thau a, thân ah a siel tau a.

NASEPTE 5:30

Nang un Isu kross a khên den a, na thahpau khah, ei suonteu Pathien in a kaihthawh kit ahi tai.

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

JOHAN 3:14

Chun, Mosi’n thaleka dâkgûl a khaih kâng guol khan, Mihiem Chapa hile khaihkang a um ding ahi:

LUKE 24:7

Mihiem Chapa hi mi gilote khut ah matsak in um intin, khetdên in um intin, ni thum ni leh tho kit ina,” a tih khah.

MATTHAI 26:2

“Ni nih hal leh Chiehkân Kut hung um ding ahi tih heu un, Mihiem Chapa hi khetdên dingin matsak ding ahiu hi,” a ti a.

MATTHAI 20:19

nuihsan a mat ding leh, zêp ding leh kross a khetdên ding in Jentel te kawmah pie’n au; chun, ni thum ni, leh kaihthawh in um ina,” a ti a.

SAM LEHKHABU THE PSALMS 22:16

Ui haw chun ei um suok ngâl u a: Thil phalo hih um khawm haw chun ei um chak kêi u a; Ka khut leh keng haw hi a sun pawp u a.