LUKE 22:37 - PATHIEN LEKHABU THIENGTHO (BSI)

³⁷ Ka hilh na hiu hi, Amah chuh mi gilote lak ah a simtel tau hi ti a, Pathien lehkha thu a ka chungchâng thu zik kha ka chunga hungtung ding ahi; ka chungchâng thu kizikte kha hungtung kim ding a hi tai,” a ti a.

LUKE 22:37 ပူးပေါင်းရင်းမြစ်များ

ISAI 53:12

Zieziekchun, amah chuh miliente chanvo bang hawm ing ka ting, amah chun mihatte tawh gâllâk sumte chuh hawm ina; a hinna chuh thi khawp hiela a sunbuok a, migilote laka simtel a a um ziekin; ahi, mi tamtak te gitlohna chuh puo a, migilote chuh ngaihdam a a um theih na dingun a paucham sak hi.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

LUKE 23:32

Chun, a kawm u ah mi dang nih, migilo gel, suklup dingin a pui u a.

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

JOHAN 17:4

Nangin thilhih dinga nei piek kha ka hih zo a, lei chungah ka hun limbawl tai.

JOHAN 10:35

Pathien thu tunnate bawn, pathiente a tih u chun, Pathien lehkha thu’n a gen chu la a kitheng ngei puoh ngâl a.

LUKE 18:31

Isu’n sawm le nih te chuh a chuom in a puidawk a, a kawm u ah, “Ngaitiem u! Jerusalem khuo a va chieh ding I hiu a, thiemgaute’n Mihiem Chapa chanchin a na zik chengcheng teu kha hung tung kim ding ahi.

LUKE 22:22

Mihiem Chapa hi, a a guot guol ngei un chieh ding ahi: himahlele, a matsak ding pa chung chuh a gik hi!” a ti a.

MARK 15:27

Chun, amah tawh gucha nih, a changlam ah khat, a veilam ah khat a khêndên u a.

LUKE 22:36

Isu’n a kawm u ah, “Tu’n chuh, kuole, dangkadip ahim, sakhau ahim nei chun keng hen la; kuole, chemzâm neilo chun, a puonâk zuok hen la, chaw hen.

LUKE 22:52

Chun, Isu’n amah man dinga hung, thiempu liente leh, Pathien Ho-In veng lawiupate leh, upahaw kawma chun, “Chemzâm haw, khetbuk haw chawi in, gucha suommang man ding guola hung na hiu maw?

LUKE 24:27

Tichun, Isu chun, Mosi leh thiemgaute lehkha ah a pan a, Pathien lehkha thu a amah chanchin kizik chuh amau haw a hilh chien ta a.

MARK 15:28

Khutichun, Pathien lehkhathu, Amah chuh migilote laka simkhawm ahi tai tih chuh a guitung tai.