LUKE 22:36 - PATHIEN LEKHABU THIENGTHO (BSI)

³⁶ Isu’n a kawm u ah, “Tu’n chuh, kuole, dangkadip ahim, sakhau ahim nei chun keng hen la; kuole, chemzâm neilo chun, a puonâk zuok hen la, chaw hen.

LUKE 22:36 ပူးပေါင်းရင်းမြစ်များ

1 THESSALONIKA 3:4

Na kawm u a ka umlai u khan, sukgimtheih thuok ding I hiu ui tih ka gensau ahi a; khutibang mah chun a tung a, zie chuh na heu kha.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

1 PETER 4:1

Khutichun, Krista’n taksa ngeia a thuok ziekin, nanguh le zie tawbang ngaihtuohna chuh nei in, kisuhat un: kuole, taksapum ngeia thuoksa te chun gitloh a haihsan sek ngâl a.

JOHAN 15:20

‘Suok, a pu sangin a lopi puoi’ tih ka hun hilh na hi tau kha, hezing un. Amau in kei ei bawlsiet tâk u chun, nang haw le hun bawlsie’n au; ka thu a zawp tak u chun nang haw thu le zawp un au.

MATTHAI 10:10

zinna a dingin sakhau ahim, puonâk nih ahim, kengtawbek ahim, tiengkhut ahim le keng kiu in; nasem chun nek ding a muh ding him ahi ngâl a.

LUKE 22:35

Chun, Isu’n a sinsakte kawm achun, “Dangkadipte, sakhaute leh kengtawbek keng lo a ka hun sawl dawk lai khan, thil himhim na tasam ngei um?” ti’n a dawng a. Amau chun, “Tasam lo,” a tiu a.

LUKE 22:37

Ka hilh na hiu hi, Amah chuh mi gilote lak ah a simtel tau hi ti a, Pathien lehkha thu a ka chungchâng thu zik kha ka chunga hungtung ding ahi; ka chungchâng thu kizikte kha hungtung kim ding a hi tai,” a ti a.

LUKE 22:38

Chun, sinsakte chun a kawmah, “Lalpa, entie taka hin chemzâm nih a um hi,” a tiu a. Amah chun, “Zie chuh a hun set hi,” a ti a.