LUKE 22:22 - PATHIEN LEKHABU THIENGTHO (BSI)

²² Mihiem Chapa hi, a a guot guol ngei un chieh ding ahi: himahlele, a matsak ding pa chung chuh a gik hi!” a ti a.

LUKE 22:22 ပူးပေါင်းရင်းမြစ်များ

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

LUKE 24:46

a kawm u ah, “Zie tawbanga hi zik ahii: ‘Krista chun dahum thuok intin, ni thum ni’n mithi lak apat thokit intin,

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

1 PETER 1:11

Zie hun chuh bangtik a hi dem, tih leh bangti’n a a hungtun ding, ti’n hah takin a na sut sek uh ahi. Zie chuh, Krista Thagau amau a um chun, Krista thuokna ding haw leh, zie nunga lopina hung um ding haw kawka a genlawk lai u khah ahi.

JOHAN 17:12

A kawm u a ka um sungin, nangin kei nei piekte haw hi na min in ka hum sek; amau haw ka veng a, a lak u a khatchale a mangthai puou, mangthai chapa ngâllo chuh; Pathien Lehkha thu kha a hung guitunna dingin.

MARK 14:21

Mihiem Chapa hi a chanchin a na kizik guol takin chieh ding ahi; himahlele, Mihiem Chapa matsak ding pa chung chuh a gik hi! Zie mihiem chuh a na pieng lo hileh amah dingin phazaw ding ahi,” a ti a.

MATTHAI 26:24

Mihiem Chapa hi, a chanchin a zik guol tak uh khan chieh ding ahii, himahlele, Mihiem Chapa matsak ding pa mihiem chung chuh a gik hi! zie mihiem chuh pieng kihen la hileh amah dingin phazaw’n a,” ti’n a dâwng a.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

MATTHAI 27:5

Tichun, Juda chun dangka chuh mun thiengtho achun a seplut a, a taihsana, tichun, a chieh mang a; a va kikhailum ta a.

LUKE 22:23

Tichun, amau haw chuh, “I laku hin zie tawbang thilhih ding chuh, a kuo pên hi I hi ta ding u?” ti’n a kidawngtuoh tau a.

NASEPTE 10:42

Chun, amah chuh, mi thite leh mi hingte chunga vaihawm dinga Pathien guot chuh ahi, tih mite kawma tângsappih leh hetsak dingin, Pathien in thu ei piek ahi.

NASEPTE 17:31

Khutichun, khawvel pumpi, a mitelte manga vaihawmna dika thu a tan khumna ding chuh a guot ta a. Zie chuh, Pathien in, amah chuh mithi lak apat kaitho in, mi chengcheng kawmah a hetsak tai,” ti’n.