LUKE 22:17 - PATHIEN LEKHABU THIENGTHO (BSI)

¹⁷ Tichun, Isu’n khawn chuh a la a kipahthu a gen a, “Ziehi lau inla, kihawm un.

LUKE 22:17 ပူးပေါင်းရင်းမြစ်များ

LUKE 22:19

Chun, chângthâk a la a, kipah thu a gen zawhin a phelsuoh a, a kawm u ah a pie a, “Ziehi ka sapum, na sik u a piek ding chuh ahi, nei hetzingnau in zie hi hih sek un,” a ti a.

SAM LEHKHABU THE PSALMS 116:13

Hukdamna khawn la’ng ka ting, Lalpa min lo ing ka.

ROME 14:6

Ni chang pa chun Lalpa limbawlna’n a chan sek ahi. Chuleh, bangakai ne pa chun, Pathien kawma kipahthu a gen a, Lalpa limbawlna’n a ne sek hi.

LUKE 9:16

Isu’n chângthâk pêk nga leh, nga nih chuh a la a, van lam en in, vang a pie a; a hekphel a, tichun, mipite kawma hawp dingin sinsakte kawm achun a pie a.

JEREMIA 16:7

Lusûnte chuh a mithi ngaih uh lungmuon dingin kuoma’n nek ding luih sak puou untin; a nuu ahim a pau ahim ziekin le lungmuonna khawn dâwn ding kuoma’n luihsak puo’n au.

DAN NIHNA 8:10

Na nek u a na tai tiengu leh, gam phatak a hun piek ziek chun Lalpa na Pathien u chuh pakcha’n lau.

SAM LEHKHABU THE PSALMS 23:5

Ei dote mitmuh in ka ma a hin dawhkhâng na guonggalh sek a: Ka luchang hi thau na nuh ta a, ka khawn a hin a dimlet zinga.

1 SAMUEL 9:13

Khuo na lut lut u leh munsanga an ne dinga a chieh masang in vamu zieng inlau; kithawihna chu a vangsak ding ahih ziekin ahung masang sieh mipite’n an nelo ding ahiu hi; zie nung chuleh a mi chielteu chun a nek sek uh ahi. Zieziekchun chieh to meng leu chin, va mu pai zieng inlau,” a tiu a.

MATTHAI 14:19

Tichun mipi haw chu hampa chunga chu dingin thu a pie a; chun, chângthâk pêk nga leh nga nih chu a la a, van lam en in, a vangsak a. A phelsuoh a, chângthâk haw chu sinsakte kawmah a pie a, chun, sinsakte chun mipi haw kawmah a pieu a.

MATTHAI 15:36

Tichun chângthâk pêk sagih leh ngasi haw chu a la a, kipahthu a gen a; a phelsuoh a, sinsakte kawmah a pie a, chun, sinsakte chun mipite kawmah a pieu a.

MATTHAI 26:26

Chun, a nek lai un Isu’n chângthâk a la a, vang a pie a, a hekphel a, sinsakte kawmah a pie a, “Lau inla, neu in; ziehi ka sapum ahii,” a ti a.

MARK 14:22

Chun, a nek lai un Isu’n chângthâk a laa, vang a pie a, a phelsuoh a, a kawm u ah a pie a, “Lau inla, neu, ziehi ka sapum ahi,” a ti a.

1 KORINTH 10:16

Lalpa nitâk ankuong a khawn manga, Pathien kawma kipahthu I gen sek u a; zie a I dâwn tak u chuleh, Krista thisan kikawppih hilo I hiu hi? Chângthâk I phelsuoh u a, I nek tak u leh, Krista sapum kikawppih hilo I hiu hi?

1 KORINTH 11:23

Nanguh thu ka hun hilh sawn khah, Lalpa kawm apat ka muh a puo: khati a, Lalpa Isu matsak a a um zan a, chângthâk a lak a; kipahthu a gen zawh a, a phelsuoh a,