LUKE 21:25 - PATHIEN LEKHABU THIENGTHO (BSI)

²⁵ “Chun, Nisa ale, tha ale, aksi te akhun, melchikna hung intin; Tuisuohgiet kinawk thawm ziek chun, lei chunga gam chengte chuh beidawng a lau leh kilîng in um un au.

LUKE 21:25 ပူးပေါင်းရင်းမြစ်များ

ISAI 13:10

Van aksite leh sihzuchote chun a vakuh suoh puou untin, nisa chuh a suokna ah sukthim in um intin, thapi’n le a vak chuh suoh diek puo’n a.

DANIEL 12:1

“Chun, zie phat chuleh na mipite panpih sek, vânsâwlchâk lopi tak Mikael chuh hung kilang intin; chun, buoina hun, nam um tung apat a zie hun chana chule um kha ngeilo chuh hung um ina. Chun, zie hun chuleh namte laka na mite, a min uh lehkhabu a chuong taphawtte chuh hukdam in um un au.

ISAI 24:23

Zie tieng chuleh, tha chuh hung thim intin, nisa le vak diek ta puo’n a, Sepaihte Lalpa chuh Zion tâng leh Jerusalem achun leng a um ding ahi ngâla; tichun, a upate masang a chun a lopina latsak ding ahi ngâla.

THUPHUON 20:11

Chun, lalchutphah lien tak, vam tak leh a chunga chu pa chuh ka mu a. A maikawk apat chun lei leh van a taimang uh a, muh phâk himhim a hi ta puoi.

NASEPTE 2:19

Chun, chunglam van ah thilmak haw, nuoi lam lei ah melchikna haw muhsak ing ka ting; Thisan leh mei leh, meikhu sah tak haw,

ISAI 51:15

“Himahleh, kei hi Lalpa na Pathien, tuipi kinawk gi zungzung te sukhenpa chuh ka hi ngâl a. Ka min chuh Bangakai hihthei Lalpa ahi.

MARK 13:26

Zie tieng chuleh, Mihiem Chapa chuh thilhih theihna nasatak leh lopina nasatak tawh meipi chunga hung mu’nau.

MARK 13:24

“Himahleh, zie nihaw, zie buoina hun zawh chu leh, nisa hung thim in tin, tha vak ta puo’n tin,

MATTHAI 24:29

“Himahlele, zie tawbang ni dahum tak zawh chuleh ni chuh hung thim intin, tha vak ta puo’n tin, van apat in aksite hung kie’n tin, van thilhih theihna haw chuh suklîng a um ding ahi.

SAM LEHKHABU THE PSALMS 46:3

Atui haw chuh gi hum hum in phul lut lut mahleh A kinawk nasat ziekin tâng haw hi lîng dul dul mahleh lau diek puo’ng ka. Selah.

MARK 15:33

Chun, sun a hung hih phetin, dâkkâl thum sung gam pumpi chungah thim a hung zing ta a.

JEREMIA 4:23

Leichung chuh ka vak en a, ngaitie, a sie leh a hawmngawn ahi a; van haw chun le vak a nei puou a.

ISAI 5:30

Zie ni chuleh tuisuohgiet gi hum hum bangin a chung u ah gi hum hum un au. Tichun, mi’n gam chuh a vak et u chun, thimna leh lungzînna ngenin dim intin, vak chule meipi’n lieh thim ina.

MATTHAI 27:45

Chun, sun an nêk phat apat vaimim huonphat gei in gam pumpi chungah thim a hung zing ta a,

MIKA 7:4

Tichun, a lak u a mi phapen chuh hampa tawbang ahi a, mi dik pên chuh hamlingnei tawbang ahiu. Pathien in thiemgaute manga a genlawk masak guol khan, a mite a gawtna ding ni chuh a hungtung tai! Tuhin, a buoi na niu chuh a hungtung tai.

ISAI 17:12

Thilhihthei tak namte chuh tuipi gi leh, tui kinawk nasatak gi bangin, a buoi un, a sa vengvung u a.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

LUKE 21:26

Mipite chuh, lei chung pumpi a thil hungtung ding ziek chun lau in thidang untin, vanthamzawl a thilhih theihna umte chuh, suklîng in um ina.