LUKE 20:38 - PATHIEN LEKHABU THIENGTHO (BSI)

³⁸ Amah chuh mithi Pathien ahi puoh a, mihing Pathien ahi zaw ngâla, amah ngaih chun mi chengcheng a hing suok kêi ngâl u a.” a ti a.

LUKE 20:38 ပူးပေါင်းရင်းမြစ်များ

MATTHAI 22:32

‘Kei Abraham Pathien, Isak Pathien, Jakob Pathien chuh ka hi,’ Pathien chuh mithi Pathien ahi puoh a, mihing Pathien ahi zawi” a ti a, a dâwng a.

MARK 12:27

Amah chuh mithi Pathien a hi puoh a, mi hing Pathien ahi zawi na ngai khiel nasa mah mah ui,” a ti a.

LUKE 20:39

Danthuzikte khenkhat chun, “Sinsakpa, na gen dik zet nai,” ti’n a dâwng u a.

JOHAN 14:19

Chawmkhat hal leh, khawvel in ei mu kit ta puo’n au; himahlele, nang u vang in chuh ei mu’n lau; keimah ka hin ziekin, nang haw le hing un lau.

JOHAN 6:57

Pa hing chun ei sawl a, Pa vanga hing ka hih guol mah hin. Zieziekchun, kuole, kei ei ne chuh keimah vangin amah le hing ina.

2 KORINTH 13:4

Amah chuh zawnkhalna ziekin, kross chungah khetdên in um mahleh, Pathien thilhih theihna ziekin a hing kit ta ngâla. Amah tawh pumkhata um in, kei u le ka hât puou a; himahleh, nang haw tawh kalthu achun Pathien thilhih theihna zieka, a hinna kikawppih dingte I hi ngâl u a.

2 KORINTH 6:16

Milim haw leh Pathien Ho-In inle banga kituokna a neih uh? Eihaw vang, Pathien hing Ho-In I ngâl u a: Pathien in, “Kei, amau lak ah cheng ing ka ting, Amau tawh kitawn ing ka: Chun, a Pathien uh hi’ng ka ting, Amau haw le ka mite hi’n au,” a tih bang khan.

HEBRAI 11:16

Himahleh, tu’n vang, gam phazaw sem ut a na hiu a, zie chuh van a um a hi; khutichun, Pathien chun, a Pathien uh tih a um chuh a zakcha puoi; amau dingin khawpi khat guotsa a kawih sak tâk ziekin.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.