LUKE 20:37 - PATHIEN LEKHABU THIENGTHO (BSI)

³⁷ Mosi’n le mithite a thawhkit dân uh, kichien takin a hetsak kha. Nawnglaka meikuong thu a khan, Lalpa chungchâng thu gen in, ‘Abraham Pathien, Isak Pathien, Jakob Pathien,’ ti’n a gen a.

LUKE 20:37 ပူးပေါင်းရင်းမြစ်များ

DAN NIHNA 33:16

Lei leh a chunga thil lul haw chun, Sinai a cheng pa deihsakna chang ta hen; Zie vangsakna chuh Joseph lu chung ah um henla, A suohpihte lak apat khenchuom a umpa luzâng achun um hen.

PAWTDAWKNA 3:15

Chun, Pathien mah in Mosi kawm achun, “Nangin Israel chate kawm achun, ‘Lalpa nang uh hun suonte Pathien, Abraham Pathien, Isak Pathien leh Jakob Pathien chun, na kawm u ahin ei sawl ka hi a, ziehi kumkhuo a ka min chuh ahi a; ziehi suon chengcheng chana nei hetna ding u chuh ahi,’ ti’n gen in.

THILSIEMBUL 32:9

Chun, Jakob chuh a paucham a, “Aw, ka pu Abraham Pathien, ka pa Isak Pathien, Aw Lalpa, ‘Na gam lam leh na inkawte kawmah chieh kit ta’n, tichun hun bawlpha’ng ka,’ ei tipa,

THILSIEMBUL 28:21

ka pa In lam a bit taka ka kilehkit chun ka Pathien hi’n la,

THILSIEMBUL 28:13

Chun, ngaitie, a sip achun Lalpa a dinga, “Kei hi Lalpa, na pu Abraham Pathien leh Isak Pathien chuh ka hi: na kuolna lei khah nang leh na suonlepak te hun pie’ng ka.

THILSIEMBUL 17:7

“Chun, kei leh nang leh na nunga na suonte leh a suonteu chanin le ka thugawlh hi, nang ding leh na nunga na suonte dingin, a Pathien uh hi dingin kumkhuo a thugawlh dingin sudet ing ka.