LUKE 20:35 - PATHIEN LEKHABU THIENGTHO (BSI)

³⁵ himahlele, thihna apat a thokit a, hun hung tung dinga hing taka guotte chuh, zi leh pasal a kineituoh kit ding ei ta puou hi.

LUKE 20:35 ပူးပေါင်းရင်းမြစ်များ

2 THESSALONIKA 1:5

Ziehaw chuh, Pathien gama um hawia guot na hiu ui tih. Pathien vaihawmna dik kiphawtchienna ahi a, zie gam zieka chuh thuok na hi him ui.

JOHAN 5:29

Thân apat in hung pawt vek un au: thilpha hihte chuh hinna changin tho kit un tin; thil gilo hihte vang chuh mawhchang in tho kit un au.

MATTHAI 12:32

Chun, kuole Mihiem Chapa awimawh ta chuh a awihmawhnau achun ngaihdam hiu intin; kuole Thagau thiengtho zet gensie vang chuh, a awihmawhnau chuh tu damsung hin le, hun hung tung kit ding achun le ngaihdam hi puo’n a.

NASEPTE 24:15

Chun, Pathien achun, zie mite hin kinepna a neih bang mah uh ken le ka nei a, zie chuh, mi pha leh mi phalote thihna apat thawhkitna um gel gel ding ahi tih hi.

NASEPTE 5:41

Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.

LUKE 21:36

Zieziekchun, zie thil hungtung dingte chuh pel tâk leh Mihiem Chapa masanga ding tâka guot na hih theihna dingun, bangtik lai inle paucham kawmin khawningai un,” a ti a.

THUPHUON 3:4

Himahlele, Sardis khuo akhan, a puon uh sawp ngim, mi tawmcha mai na um uh khah. Amau haw chuh puon vam silh in ka kawmah hung khawlaileng sek un au; khutibang hih hâwi chuh a hi ngâl uh a.

HEBRAI 11:35

Taksanna ziekin numeite chun, a inkawteu thisa thokit te a muu a. Khenkhatte chuh sawisak in a um uh a, thawhkitna phazaw a chan theihna dingun, hukdawk a um a nuom puou hi.

MARK 12:24

Isu’n amau chuh a dâwng a, a kawm u ah, “Zieziek hin hilo maw na ngaihkhelh sek uh, Pathien lehkhathu leh Pathien thilhih theihna na het loh ziek u hin?

MATTHAI 22:29

Isu’n a kawm u ah, “Pathien lehkha thu leh Pathien thilhih theihna na hetloh ziekun na ngai khiel sek uh ahi.

MARK 10:42

Himahleh, Isu’n amau haw chuh a kawmah a sam khawm vek a, a kawm u ah, “Jentel te chunga vaihawm dinga guota um haw chuh a chungu ah a lal mah mah sek u a; a milienteu chun a chungu ah thu a nei mah mah ui tih na heu hi.

LUKE 16:8

Khutia a hihna apat chun, a pu chun sum vawppa diktatlo chuh a lemhet ziek chun a pakcha ta a; khawvak chate sangin, zie khawvel leisiet chate hi, a tulai khang u ahin a chingzawu hi,” a ti a.