LUKE 20:21 - PATHIEN LEKHABU THIENGTHO (BSI)

²¹ Chun, amau chun a kawmah, “Sinsakpa, na thugente leh sinsakte hi a dik hi tih ka heu. Nangin mihiemte khenchuom nei lo in, mihingte a dinga Pathien thil deih chuh, diktakin na sinsak sek hi, tih le ka heu hi.

LUKE 20:21 ပူးပေါင်းရင်းမြစ်များ

MATTHAI 22:16

Tichun, a sinsakteu, Herod lawi a mite tawh a kawmah a sawl u a, ziete chun, “Sinsakpa, mi diktat na hi a, hilh tak zetin Pathien lampi thu na hilh sek a; kuomah hugin chuom le na nei puoi tih ka heu hi, kuomah maizah chuom le na nei diek puoi.

GALATI 1:10

Ahih leh, tuhin, mihiem sukkipah guo ka him, Pathien sukkipah guo? Mihiemte kawma challat ut ka hi leh? Khutibanga hih ka na guot zing chun, Krista suok hilo ding ka hi.

2 KORINTH 2:17

Mi tamtakin Pathien thu hi dawha bawl a, sumkawlveina guola a mat sek guol un, ei uh vangin I mang puou a; mi thutak, Pathien sawl bangin, Pathien mit muh achun, Krista suok bangin thu I gen zaw sek uh ahi.

JOHAN 3:2

Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

MARK 12:14

A kawm a tun phet un a kawmah, “Sinsakpa, mi diktat na hi a, kuomah khenchuom na nei puoi tih ka heu a; kuomah khenchuom nei lo in, tihtakzet in Pathien lam thu na sinsak sek hi; Kaisar kawma sieh chawih hi a thieng hi, thieng lo? Ka piek dinguh ahi ka piek loh dinguh?” a tiu a.

SAM LEHKHABU THE PSALMS 55:21

A kam chuh nawituikhal bangin a nâl a, Himahleh, kidona lungthim a pu zing u a; a thugen u chuh sathau sangin a nâl zaw a, himahleh, chemzâm zuk dawk sa ahi ngâla.

SAM LEHKHABU THE PSALMS 12:2

Mitin in a vengteu kawmah lepchieh thu mai a gen a gen sek u a; Kipahchak na lêm mûk leh lepbawlna lunggil pun thu a gen sek u a.

JOB LEHKHABU THE BOOK OF JOB 34:19

Mi lalte chunga langkaih lo kuo a um? Mi hausate sanga mi gimtheite bawlpha zaw kuo a um? A bawn un a khutsuok ahi ngâl u a.

2 KHANGTHUBU 19:7

Zieziekchun Lalpa kihchau inla, chingthei takin hih u; Lalpa I Pathien u achun manlohna leh khenchuom neihna leh gawlhguk thil lak te umlo ahi,” a ti a.

GALATI 2:6

Chun, milien deuha a ngaihteu chule, kei tawh kilamdanna a neih chuom diek loh ziekun ziehi ka gen ahi; Pathien in, pawlam latdan in vai a hawm puoh ngâl a, zie milien haw chun le, ngaihdan thak bangmah ei pie chuom diek puou hi, tih ka gen ahi.

LUKE 20:20

Khutichun, hun lemchâng a hawl tau a. Tichun, mi huntieng, mipha tak hileh kilawm taka va um dingin a gawlhguu a; Isu chuh Rome gam vaipawpa thuneihna leh, thilhih-theihna khuta a piek theihna ding u a, a thugen khiel chângtha ding leh, man dingin a sawl tau a.

LUKE 20:22

A leh, keihaw’n Kaisar kawma sieh ka chawih uh a thieng hi, thieng lo?” ti’n a dawng u a.