LUKE 2:49 - PATHIEN LEKHABU THIENGTHO (BSI)

⁴⁹ Chun, amah chun a kawm u ah, “Bang dinga ei hawl na hiu hi? Ka pa In a ka um ding hi, na he puou a ahim?” a ti a.

LUKE 2:49 ပူးပေါင်းရင်းမြစ်များ

JOHAN 6:38

Kei deih bang hih dinga van apat a hung suk ka hi puoh a, ei sawl pa deih bang hih dinga hung suk ka hi zawi.

JOHAN 8:29

Ei sawlpa chuh ka kawmah a um a, ei thahtham puoi; a thil kipahlam tak ka hih zing sek ziekin,” a ti a.

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

JOHAN 4:34

Isu’n a kawm u ah, “Ei sawlpa deih dân hih leh, a nasep zawh ding hi ka an ahi.

SAM LEHKHABU THE PSALMS 40:8

Aw ka Pathien, na deih lam hih hi ka kipahna lam tak ahi; Ahi, na dân thu chuh ka lunggil ah a um zing hi,” ka ti a.

LUKE 2:48

Chun, a nu leh a pa chun amah chuh a muh phet un mak a sa ten u a, tichun, a nu’n a kawmah, “Ka chapa bangtia hiti a hih nei bawl ahim? Ngaitie! na pa leh ken lungdawng taka ka hung hawl uh ahi,” a ti a.

JOHAN 5:17

Himahlele, Isu’n amau haw chuh a hopih a, a kawm u ah, “Ka Pa’n tu tieng inle na a sem sek, ken le ka sem sek,” a ti a.

MATTHAI 21:12

Chun, Isu Pathien Ho-In achun a va lut a, Ho-In a thil zuokte leh chawte chengcheng chuh a delh dawk a, dangka thengte dawhkhâng leh, vakhu zuokte chutphah haw chule a sawtpaih sak a, a kawm u ah,

JOHAN 9:4

Sun a hih pet in ei sawlpa na I sep ding ahi; zan hi ding ei tai, zie tieng chuleh kuoma’n na sem thei ta puo’n au.

JOHAN 5:36

Himahlele, hetsakna ka neih hi, Johan hetsakna sang khan a lopi zawi: Pa’n thilhih zawh dinga ei piek, ka thilhihte ngêi hin, Pa’n ei sawl a hi tih, ka chanchin a hetpih ahi.