LUKE 2:14 - PATHIEN LEKHABU THIENGTHO (BSI)

¹⁴ “Chungnung pên ah Pathien lopi takin um hen la, Lei chunga a kipahna mah mah mihiemte kawmah cham thu leng hen!” a tiu a.

LUKE 2:14 ပူးပေါင်းရင်းမြစ်များ

ISAI 44:23

Aw vante haw, kipâk takin la sau in, Lalpa’n zie chuh a hih ta ngâl a, Lei mun niem pente haw hung kiko dawk un, tângte leh gammâng thingte haw, la sa dawk un: Lalpa chun Jakob te a tandawk ta a, Israel te haw achun kisulopi ding ahi ngâl a!

ISAI 49:13

Aw vante haw, kipaka lasa’n kiko unla, Aw leisiet lâwpin kiko un, tângte chun lasa dawk u hen la; Lalpa chun a mite a thamuon ta a, Gimtheihna thuokte chung achun zahngaihna latsak ding ahi ngâl a.

ISAI 57:19

Thamuonna, Thamuonna, mun gamla leh naia umte kawma achun thamuonna um hen; amau chuh sudam ing ka, Lalpa’n a tii.

MIKA 5:5

Chun, ziehi I kichamna dinguh hi’n a; Asuria ten I gam uh a hun do u a, I lal In hawu a hung tawh tieng leh amah do dingin belampu sagih leh mi lopi tak tak giet kiteldawk hitiu.

MATTHAI 21:9

Chun, mipi, a malam a chiehte leh a nunga zuite chun: “David chapa kawmah, Hosanna! Lalpa min a hung chuh a hamphai! Chungnung pên a khun Hosanna!” ti’n a kiko u a.

LUKE 1:79

Thimnuoi leh thihna lima chute salhvak ding leh, Lungmuonna lampi a kal ei suon sak dingin.” ti’n.

LUKE 19:38

“Lalpa min a Leng hung chuh a navak hi, van ah chamna thu leng hen la, chungnung pên a Pathien kawm achun lopina um hen,” a tiu a.

LUKE 2:13

Ziephet chun, thakhat in, vânsâwlchâk kawm achun van a mihaw, mipite chuh a hung kilang phut uh a, Pathien pahchak na la a hun sau a:

LUKE 2:15

Chun, tihi ahi a, vânsâwlchâk chun van lama a taihsan kit phet chun, belamchingte chun, “Tuhin, Bethlehem khuo tiengin. chieh hi tingun, Lalpa’n thu ei hilh hungtung chuh en hitiu,” a kitiu a.

LUKE 3:22

tichun, Thagau Thiengtho chuh taksa pu’n, vakhu guolin a chungah a hung kum suk ta a. Tichun, van apat in aw a hung pawt a: “Nang ka Chapa deih tak na hi, na chungah ka kipâk mah mah hi,” a hun ti a.

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

JOHAN 17:4

Nangin thilhih dinga nei piek kha ka hih zo a, lei chungah ka hun limbawl tai.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

NASEPTE 10:36

Amah chun, Lungmuonna Chanchin Pha, Isu Krista kama gen in, Israel suonte kawmah thu a thâk a, (Isu chuh mi chengcheng Lalpa ahi a),

ROME 5:1

Zieziekchun, taksanna zieka thiemchang I hih tâk ziekun, I Lalpau Isu Krista vangin Pathien tawh kicham I hitau hi.

EPHESI 1:6

A hehpihna lopitak ziek leh, a Chapa deihtak chuh thilthawnpiek a ei piek tâk ziekin Pathien chuh pakchai tiu.

EPHESI 1:9

Krista a sukbukim a um ding thuguk chuh eihaw ei hetsak ta a.

EPHESI 2:4

Himahlele. Pathien chun khuotuohna a hau a, a mi hehpihna nasatak ziek khan,

EPHESI 2:7

Khutichun, hun hungtung zel dinga le, a hehpihna lopi dân, Krista a ei lungsietna ei uh ei etsak theihna dingin, zie chuh a hih ta ngâla.

PHILIPPI 2:11

tichun, Pa Pathien lopina dingin, Isu Krista chuh Lal ahi, ti’n lei tin chengin phuong chiet un au.

PHILIPPI 2:13

Amah kipahlam hih ut ding leh thu zawp dinga nangmau a sem pên chuh Pathien a hi ngâl a.

KOLOSSA 1:20

Chapa achun, Pathien in vannuoi pumpi hi amah tawh kicham in a siem ta a. Kross thisan zieka kichamna siem in, amah chun thil chengcheng leichung a thil umte hi henla, van a thil umte hitaleh amah tawh a kicham sak hi;

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

THUPHUON 5:13

Chun, van leh, lei chung leh, lei nuoi leh, tuisuohgiet a thilsiem tin cheng umte leh, vankhupsin nuoia um chengcheng te chun: “Lalchutphah a chu pa leh, Belamno kawm achun, Vangpiekna leh, limbawlna le, Lopina le, vaihawmna le, Kumkhawtuong in um hen,” a tih uh le ka za a.