LUKE 2:13 - PATHIEN LEKHABU THIENGTHO (BSI)

¹³ Ziephet chun, thakhat in, vânsâwlchâk kawm achun van a mihaw, mipite chuh a hung kilang phut uh a, Pathien pahchak na la a hun sau a:

LUKE 2:13 ပူးပေါင်းရင်းမြစ်များ

THUPHUON 5:11

Chun, ka vak et kit leh, lalchutphah leh, ganhing lite leh upate kimvel achun, vânsâwlchâk sang tamtak aw hi ka vak za a! Amau haw chuh lalchutphah kimvel leh, ganhing lite leh upate kimvel achun a dinguh a,

1 LENGTE 22:19

Chun, Mikaiah chun, “Zieziekchun Lalpa thu hi ngaitha tie, Lalpa chu a lalchutphah a chu ka mu a, van a mipi chengcheng, a changlam leh a veilam a ding te tawh.

SAM LEHKHABU THE PSALMS 148:2

A vânsâwlchâk chengcheng te haw, amah chuh pakchau inla: A sepaih chengcheng te haw, amah chuh pakchau in.

HEBRAI 1:14

Amau haw chuh thagau, Pathien nasem leh, hukdamna goluoh dinga a sawl dawkte chuh ahiu hi.

DANIEL 7:10

Zie tak apat chun luicha tawbang in mei a luong dawk zungzung ta a. Mipi sang tam takin a na a sep sak u a, a masang achun a singa sing tamtak a ding u a; vaihawmna a hung kipan ta a, lehkhabute chuh phetin a um ta a.

LUKE 15:10

Ka hilh na hiu hi, khutibang mah chun, Pathien vânsâwlchâkte chuh, mi gilo khat kisikna chungah a kipâk mah mah sek ui.” a ti a.

JOB LEHKHABU THE BOOK OF JOB 38:7

Zingsawl aksite’n la a sakkhawm u a, van a thilhing chengcheng kipâk taka lasak sak kha kuo ahi?

SAM LEHKHABU THE PSALMS 68:17

Pathien kangtalai haw chu a sing a singa, a sanga sang tamtak ahi, Lalpa chuh Sinai tâng apat in a mun thiengtho ah a hunglut hi.

EPHESI 3:10

Khutichun, I Lalpau Krista Isu a hih a guot, a kumsawt lungtup bang zela, tu laia van mun haw a khun le, letna leh thuneihna

THILSIEMBUL 28:12

Chun, mang a nei a, lei apat a van chana lei kidawh leh a chunga Pathien vânsâwlchâk te kum leh kal haw chu tawh a mu ta a.

EZEKIEL 3:12

Khutichun, Thagau in ei dawm kâng ta a, chun, ka nung lam ah van gi tawbang aw ngeih tak a, “A umna mun achun Lalpa lopina chuh pahchak in um hen!” hun ti hi ka he a.

1 PETER 1:12

Zie thu haw chuh, amau haw phatchuomna ding hilo in, nangmau haw mawng phatchuomna ding ahi zawi tih, Pathien in thiemgaute kawm achun a hetsak tai; zie thu haw chuh, van apat a sawl dawk, Thagau Thiengtho thilhih theihna’n, nanguh Chanchin Pha hun hilhpa khan a hun hilh na hi tau hi. Zie thil haw chuh ahi, vânsâwlchâkte nasan inle hêtchet a nawp sek uh khah.

LUKE 2:12

Chun, ziehi nang u dingin melchikna ding ahi; nausen puona tuom, gan-an piekna kuong a kuol mu’n lau!” a ti a.

LUKE 2:14

“Chungnung pên ah Pathien lopi takin um hen la, Lei chunga a kipahna mah mah mihiemte kawmah cham thu leng hen!” a tiu a.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”