LUKE 2:11 - PATHIEN LEKHABU THIENGTHO (BSI)

¹¹ Tuni hin nanguh dingin David khawpi ah Hukdampa chuh a pieng tai, Lal Krista chuh!

LUKE 2:11 ပူးပေါင်းရင်းမြစ်များ

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

MATTHAI 1:21

Chapa hun hing in tin, a min dingin ISU sa’n la: amah chun a mite a thil hihkhelh nau apat hukdam ding ahi ngâl a,” a ti a.

NASEPTE 2:36

“Khutichun, Isu, na khetdênpau ngêi khah, Pathien in Lal leh Krista hi kawmin a siem tai tih, Israel namtin in he tei u hen,” a ti a.

MATTHAI 16:16

Ziephet chun, Simon Peter in a dâwng a, “Krista, Pathien Hing Chapa chuh na hi,” a ti a.

LUKE 1:43

Ka Lalpa nu ka kawma na hung hi bangti dân ahi ta?

1 JOHAN 5:1

Kuole, Isu hi Krista a hii tih gingcha chuh Pathien cha a hi a, kuole, Pa hehpih chun, cha le a hehpih sek hi.

PHILIPPI 2:11

tichun, Pa Pathien lopina dingin, Isu Krista chuh Lal ahi, ti’n lei tin chengin phuong chiet un au.

JOHAN 4:42

Tichun, numei kawma chun, “Tuzet hin chuh, na thugen vanga gingcha ka hi ta puou; keimau ngêi in a thu ka heu a, zie pa hi khawvel hukdampa a hi tak zet hi, tih ka he tau hi,” a tiu a.

LUKE 2:4

Chun, Joseph le, David inkawte leh suon a hih ziekin,

MATTHAI 1:16

Zie Mari sunga hin Isu Krista kiti hi a hung pieng tai.

1 KORINTH 15:47

Adam masa chuh, leia siem, leisiet apat a um ahi a, Adam nihna chuh, van apat a hung ahi.

NASEPTE 10:36

Amah chun, Lungmuonna Chanchin Pha, Isu Krista kama gen in, Israel suonte kawmah thu a thâk a, (Isu chuh mi chengcheng Lalpa ahi a),

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

1 JOHAN 4:14

Chun, Pa’n a Chapa chuh khawvel hukdampa dingin a hun sawl hi tih keihaw’n ka mu tau a, mi dangte ka hilh sawn uh ahi.

JOHAN 1:45

Philip chun Nathanael a mu a, a kawmah, “A chanchin, Mosi’n Dan lehkhabu a a zik leh, Thiemgaute’n a zik u kha, amah chuh ka mu tau, Nazareth Isu, Joseph chapa chuh,” a ti a.

NASEPTE 17:3

Krista chuh dahum thuok ding him a hih ziete chuh sulang in a hilhchien sek a, “Zie Isu, a thu nang haw ka hun hilh sek hi, amah hi Krista chuh ahi,” le a ti sek a.

NASEPTE 5:31

Amah mawng khah, Pathien in Lal leh Hukdampa hi dingin a changlam ah a limbawl ta a; Israel te gitloh lunghei sak ding leh ngaidam dingin,

JOHAN 6:69

Nang, Krista, Pathien hing Chapa chuh na hii tih ka gingcha tau a, het le ka heu hi,” a ti a.

JOHAN 1:41

Amah chun, a masapen in amah suohpih Simon a mu a, a kawmah, “Messiah ka mu tau,” a ti a, (zie chuh Krista tihna ahi).

MATTHAI 16:20

Zie zawh chun Isu chun a sinsakte chuh Krista ahi tih kuomah hetsak lo dingin a kham chakkêi a.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

KOLOSSA 2:6

Krista Isu chuh Lalpa a na pawm tâk ziekun, amah tawh kipumkhat in hing tau un.

PHILIPPI 3:8

Ziehaw mai chuh hilo in, Ka Lalpa Krista Isu hetna chuh a lopi zawk bêk ziekin, thil bang cheng le chânna a ka ngaih vek ahi. Amah ziekin thil chengcheng ka chan vek ta a; ziehaw chuh thil bangmahlo mai in ka ngai a, Krista ka muh theihna ding leh,

JOHAN 11:27

Amahnu chun a kawmah, “Gingcha e! Lalpa. Krista, Pathien Chapa, khawvel a hung ding pa chuh na hii tih ka gingchai,” a ti a.

JOHAN 7:41

A dang chun, “Krista chuh a hii,” a tiu a. Himahleh, khenkhatte chun, “Khawilak ah, Krista chuh Galili gam ah hung pawt ding a hi a ahi? a tiu a.

LUKE 2:26

Chun, Lalpa tiem, Krista chuh a muh masang sieh thi puo’n a, ti’n a na tiem ta him a.

LUKE 1:69

A suokpa David suona kipat chun, Hukdamna ki ei siem sak ta ngâla.

SAM LEHKHABU THE PSALMS 2:2

Lei chunga lengte a hel u a, vaihawmte chuh a kihokhawm u a, Lalpa leh a thaunuh chuh a kalh u a,

JOHAN 4:25

Chun, numei chun a kawmah, “Messiah a tih uh chuh hung ding ahi tih ka hêi, amah chuh a hung tieng leh, thil bangakai ei hilh ina,” a ti a.

NASEPTE 13:23

Zie David suonte laka chun, Pathien in a thutiem bangin, Israel haw kawmah Hukdampa Isu a hun pie tai.