LUKE 19:47 - PATHIEN LEKHABU THIENGTHO (BSI)

⁴⁷ Chun, amah chun ni chengin, Pathien Ho-In achun a sinsak sek a. Thiempuliente leh Danthuzikte leh, vantâng lawiupate chun amah thah a nuom u a;

LUKE 19:47 ပူးပေါင်းရင်းမြစ်များ

MARK 11:18

Chun, Thiempuliente leh Danthuzikte chun zie chuh a zau a, tichun, Isu a thah theihna ding u chuh a hawl tau a. Mipi chengcheng in a thu sinsak chuh mak a sa ten ngâl u a.

MATTHAI 26:55

Zie lai tak chun, Isu’n mipite kawm achun, “Chemzâm haw, khetbuk haw chawi in suommangte man ding guolin ei man dinga hung pawt na hiu maw? Pathien Ho-In ah ni chengin mi sinsak in ka chu sek a, nei man ngâl puou a.

JOHAN 18:20

Isu’n a dâwng a, “Mitin kawmah, tângphuong takin thu ka gen sek; kikhawpna in leh Pathien Ho-In a, Judate chengcheng um khawmna munte achun thu ka gen sek hi. A gûkin thu bangmah ka gen kha puoi.

JOHAN 10:39

Khutichun, Isu chuh mat a guo kit tau a, himahlele, a khut u apat a pawt a.

JOHAN 7:44

Khenkhatte chun mat a nuom u a, himahlele, kuoma’n a chungah khut a tha puou hi.

JOHAN 7:19

Mosi’n Dan chuh. na kawm u ah a hun pie hilo maw? Himahlele, na lak uh a kuoma’n Dan chuh na hawh ngâl puou a. Nangun, bangati a ei thah guo?” a ti a.

MARK 14:1

Chun, ni nih zawh chuh, Chiehkân Kut leh Chângthâk Chawl sawhloh Kut hi ding a hi a; thiempu liente leh dân sinsaktute chun, Isu lepbawl a, a thah theihna dinguh a gûkin a hawl tau a.

MARK 12:12

Tichun, Juda lawiupate chun Isu chuh mat a guo tau a, zie tehkal thu chuh amau haw chungthu genna ahi tih a het ziekun. Himahleh, mipite chuh a lau u a, khutichun, a nusieh uh a, a chieh mang tau hi.

MATTHAI 21:23

Chun, Isu Pathien Ho-In a a lut kit nunga, a sinsak lai chun, thiempu liente leh vantâng upate chuh a kawmah a hung u a, a kawmah, “Kuo thu’n a zie thil haw hi na hih? Kuo a thu hun pie?” a tiu a.

MARK 14:49

Pathien Ho-In ah ni chengin, nang haw hun sinsak in ka um sek a, himahleh, nei man puou a. Himahleh, Pathien lehkhathu a guitunna ding ahi,” a ti a.

LUKE 19:48

Himahleh, mipite chun phachuomngai taka a thu a ngaihthak zing ziekun, a lampi ding a mu thei puou hi.

LUKE 20:19

Chun, zie lai tak chun dân thuzikte leh thiempu liente chun, tehkal thu chuh amau haw kawknaa a gen ahi tih a het ziekun Isu chuh zie mun achun mat a guou a, himahlele, mipite chuh a lau u a.