LUKE 19:42 - PATHIEN LEKHABU THIENGTHO (BSI)

⁴² “Aw, nang tak hin, tuhun sung hin lungmuonna ding thu hi he ta ve leh chin! Himahleh tu’n vang na hetlohna dingin a ki-îm ahi ta ngâla!

LUKE 19:42 ပူးပေါင်းရင်းမြစ်များ

DAN NIHNA 32:29

Ching u henla hile chuh zie hi hethiem u ding un tin, A tunung thu dinguh ngaihtuoh ding hiveu in!

HEBRAI 3:15

“Tunia a aw na zak u chun, A suklungnat lai guol u khan, Na lung uh sukhauh kiu in,” a tih sung cheng hin.

ISAI 48:18

“Ka thupiek a na ngaitha hita leu chin, luicha tui kangtheilo guolin vangsakna chuh hungtung ding hita a!

NASEPTE 10:36

Amah chun, Lungmuonna Chanchin Pha, Isu Krista kama gen in, Israel suonte kawmah thu a thâk a, (Isu chuh mi chengcheng Lalpa ahi a),

ISAI 55:6

Muh baihlam a a um lai in Lalpa chuh hawl unla, a naih lai hin sam un!

HEBRAI 3:13

“Tuni,” a tih sung u hin, ni chengin kitîlkhoh tuoh zing zawu in, khutilochun, na lak uh a khatto hi, gitloh thepthak a, lungkhauh deuh deuh hung um kha’n lau.

LUKE 19:44

Chun, nang leh na cha-na naute chuh tuol khetna’n hun nei un tin uh, na sunga suong kitieng himhim hi hâwi puo’n au, ahun vilthak viel lai uh na hetloh ziekun, khutibang ni haw chuh na chung u ah hungtung ina.” a ti a.

NASEPTE 13:46

Chun, Paul leh Barnabas chun hangsan takin a gen dawk u a, “Pathien thu hi nangmau haw kawma gen masak ding him ahi; himahlele, na nawlh kit u a, kumkhuo a hing hâwi lo a na guot tâk nung un, heu in, Jentel te lam nga tang kau.

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

ISAI 44:18

Zie tawbang mi chuh mingawl, a thilhih uh bang ahih helote ahiu ui. Thutak lam achun a mit u leh a lungthim teu a sudûk sek ui.

HEBRAI 3:7

Khutichun, Thagau Thiengtho gen guol mah in, “Tuni a aw na zak u chun,

SAM LEHKHABU THE PSALMS 81:13

Aw, ka mite hin ka thu ngaithau henla, Israel hi ka lampi ah chieh maizen le chu aw!

SAM LEHKHABU THE PSALMS 32:6

Khutichun, Pathien limsak mitin in hawl baihlam a a um lai in, na kawmah paucham chiet u hen; lungkham na tui a hung kinawk tieng lele amau chuh chup pai zieng puo’n a.

DAN NIHNA 5:29

Zie bang lungthim chuh pu sek leu aw, ei lau intin un, ka thupiek haw chuh zui zing intin un, amau leh a chateu haw le kumkhuo a lamzang ding ahiu a!

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

LUKE 19:41

Chun, a tun ding kuon un khuo chuh a mu a, a kahcham a,

LUKE 19:43

Na gâlteu in na kim vel u a kulhte siem a, ning tina hun um kim vela, pawt thei lo a a hun chenkhum hun uh hung tung ding ahi.