LUKE 18:9 - PATHIEN LEKHABU THIENGTHO (BSI)

⁹ Chun, amah chun, mi diktat tak hih kigingcha, mi dang cheng musit sek, kuote ahim kawmah zie tehkal thu hile a gen a:

LUKE 18:9 ပူးပေါင်းရင်းမြစ်များ

THUCHINGTE 30:12

Amau mita thiengtho kisa mi le a um u a, himahlele, a thien lohnau chuh sawp theih ahi diek puoi.

ISAI 65:5

Tichun, mi dangte kawmah, “Kiveng in la, ei hung naih kih, nang haw sang chun ka thiengtho ngâl u a,” a ti sek ui. Zie tawbang mite chuh ka nak a meikhu leh ni tum a meikuong tawbang ahiu hi.

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

THIEMPUDANTE 13:32

Chun, a ni sagih ni chuleh thiempu chun meima chu en kit intin, sam laka meima chu a dalh zâk loh a mul-eng a um diek loh a, meima chuh vun sanga thuk zaw ale a lat diek loh chun, a kimvel chuh a met ding ahi. Sam lak vang chuh met ding ahi puoi.

LUKE 10:29

Himahlele, dân sinsakpa chun amah thiem kichan sak nuom in, Isu kawm achun, “Ka vengte chuh kuo ahi?” a ti a.

LUKE 15:2

Tichun, Pharisaite leh Danthuzikte chun, “Zie pa hin mi gilote a lawp a, a kawm u ah an le a ne sek hi!” ti’n a phunchiek tau a.

LUKE 16:15

Ziephet chun, Isu’n a kawm u ah, “Mipi dangte mit muh a thiem kichan mai mai na hiu hi, himahleh, Pathien in na lungthim uh a he ngâl a. Mihingte’n a ngaihlul mah mah uh thilte chuh, Pathien mitmuh in bangmahlo ahi.

LUKE 18:11

Pharisai chuh a ding dawka, amah mai in hiti hin a paucham ta a: ‘Pathien, mi dangte guola lepgu, diktatlo ahim, zawlsai ahim ka na hih loh ziekin, na chungah ka kipâk hi. Zie taka siehdawlpa tawbang khuh ka hih loh ziekin le ka hun pakchai.

LUKE 19:7

Chun, zie chuh a muh phet un a bawn un “Migilo pa In a tung dingin a chieh ta khu!” ti’n a phun sausau tau a.

LUKE 7:39

Chun, a chiel pa Pharisai chun zie chuh a muh phetin a lungthim in, “Zie pa hi thiemgau a hih chun, a khawih nu hi kuo ahi a, bang tawbang mi ahih a het kilawm ahi a, migilo ahi ngâla” a ti a.

JOHAN 8:48

Judate chun a kawmah, “Samari mi, thitha vawp na hi, ka hun tih u khah, ka gen dik zet uh hi na lo maw?” a tiu a, a dâwng u a.

JOHAN 9:28

Amau chun hansie buokkhum tawh thuoh in, “Nang hi amah sinsak na hi a, keihaw vang Mosi sinsakte ka hiu a puo.

JOHAN 9:34

Chun, amau chun a kawmah, “Nang na pum changsana gitloh a pieng na hi a puo, nangin nei hun hilh vangvei hih!” ti’n a dawng u a. Khutichun, kikhawpna In apat chun a nawhdawk tau hi.

NASEPTE 22:21

Chun, amah chun, ‘Chieh ah, tak apan hin gamla tak ah, Jentel te kawmah hun sawl zaw’ng ka,’ ei ti ta a,” a ti a.

ROME 10:3

Pathien diktatna helo in, amau haw diktatna sukdet guo’n, Pathien diktatna nuoia a kitulut ngâl puou a.

ROME 14:10

Himahlele, nangin bangati a na suohpih awimawh? Ahih loh leh, nangin, bangati a, na suohpih musit? Pathien vaihawmna chutphah masangah I bawn un ding ding I hi ngâl u a.

ROME 14:3

Bangakai ne thei mi chun, a ne thei lo mi chuh musit kihe’n; a nelo mi’n le a ne thei mi chuh awimawh kihe’n; Pathien in amah chuh a lawp ta a puo.

ROME 7:9

Keimah ngêi le, makhan danlo in ka hing a, himahlele, thupiek chuh a hung um phetin, gitloh chuh a hung halh a, kei chuh ka thi ta a.